2022-07-20 15:46:27, 1037 ნახვა
პოლიტიკა
კობახიძე - სოსო გოგაშვილსა და „ნაცმოძრაობას“ შორის რომ კავშირები არსებობდა, დღესავით ნათელია
„ქართული ოცნების“ თავმჯდომარის, ირაკლი კობახიძის განცხადებით, სოსო გოგაშვილსა და „ნაცმოძრაობას“ შორის კავშირები არსებობდა.
„მას პირდაპირი კავშირი ჰქონდა „ნაცმოძრაობის“ კუთვნილ მედიასაშუალებებთან. რას ეფუძნებოდა ეს, არ ვიცოდით, ახლა რაღაც ეჭვები გაჩნდა და არის რაღაც მტკიცებულებები. ამით უნდა დაინტერესდეს ყველა, მათ შორის შეიძლება დაინტერესდეს გამოძიება“, - აცხადებს კობახიძე.
სუს-ის უფროსის ყოფილი მოადგილე სოსო გოგაშვილი 16 ივლისს დააკავეს. მოსამართლის გადაწყვეტილებით, სასამართლო სხდომა დახურულად წარიმართება. სუს-ის ინფორმაციით, გოგაშვილის საქმეზე, მისი პირადი და ოჯახის წევრების კუთვნილი 8 სახლი და 4 მანქანა გაჩხრიკეს - ამოღებულია იარაღი, ტექნიკა და სახელმწიფო საიდუმლოებისა და პერსონალური მონაცემების შემცველი დოკუმენტები.
ავტორი: NS (სტატია დაფინანსებულია),
epn.ge (@expressnews.ge)
