კასპის გიორგი ხორგუაშვილის სახელობის მხარეთმცოდნეობის მუზეუმში მოქანდაკის, მხატვრისა და მწერლის ნინო თაბუაშვილის (თაბური) ნამუშევრების პერსონალური გამოფენა მოეწყო.

სამხატვრო აკადემიის ქანდაკების ფაკულტეტის კურსდამთავრებულმა შემოქმედებითი მუშაობა სტუდენტობის პერიოდში დაიწყო, რომელიც ქანდაკებებთან ერთად მოიცავს ბარელიეფებს, მედალიონებს, ნახატებს ფერწერულ და გრაფიკულ ჟანრში.

ნინო თაბუაშვილი აქტიურად მონაწილეობდა საქართველოს მასშტაბით გამართულ გამოფენებში, ორჯერ კი მისი ნამუშევრების პერსონალური გამოფენა გაიმართა. იგი იყო მრავალი არქეოლოგიური ექსპედიციის მონაწილე და მხატვარი. შემდეგ ის მწერლობამ გაიტაცა და ათზე მეტი ისტორიული  რომანი გამოსცა.

მისი შემოქმედება მრავალფეროვანია, ნამუშევრები კი დაცულია მუზეუმებში, კულტურის სამინისტროსა და სამხატვრო ფონდის საცავებში, ასევე ინახება ოჯახებში.

წარმოშობით სოფელ დოესის მკვიდრის ნამუშევრები დამთვალიერებლისთვის მართლაც სიურპრიზი იყო, რადგან ისინი აქ არასოდეს გამოფენილა და შესაბამისად  უცნობი იყო.

კასპის მუნიციპალიტეტის მერმა ვახტანგ მაისურაძემ მადლობა გადაუხადა მოქანდაკის ძმისშვილებს ქეთი და გიორგი თაბუაშვილებს, რომლებმაც მუზეუმს 30 ბარელიეფი, 10 მრგვალი ქანდაკება, 12 ფერწერული ტილო და წიგნები საჩუქრად გადასცა.

ნინო თაბუაშვილი 2018 წელს გარდაიცვალა.

ავტორი: NS (სტატია დაფინანსებულია),

სოციალური ქსელები

გაეცანი საქართველოს ბანკის განათლების პროგრამებს მოსწავლეებისთვის - აღმოაჩინე შენზე მორგებული შესაძლებლობები

ბოკერია - რეჟიმს უნდა, გააგრძელოს საქართველოს უსაფრთხოების, მომავალი თაობის ხარჯზე გამდიდრება და ძალაუფლების შენარჩუნება საქართველოს მტრების ინტერესების სასარგებლოდ

პარტია „გახარია საქართველოსთვის“მიმართავს საკონსტიტუციო სასამართლოს, მათი საკითხი ნაციონალებისგან ცალკე საქმედ გამოიყოს

ოპოზიცია დასავლეთის ქვეყნების ელჩებს შეხვდნენ