"ქართული ოცნების“ თავმჯდომარის ირაკლი კობახიძის განცხადებით, არ არსებობს არცერთი ფაქტი იმის დადასტურებულად, რომ პარტიის დამფუძნებელი, ბიძინა ივანიშვილი ქართულ პოლიტიკაში არის ჩართული.

როგორც მან „პალიტრანიუსის“ გადაცემაში „360 გრადუსი“ განმარტა, ბიძინა ივანიშვილი არავითარი ფორმით არ ხვდება ოლიგარქის ცნების ქვეშ.

„მარტივად რომ შევხედოთ, რეალობა არის რა, ბიძინა ივანიშვილი შარშან პოლიტიკიდან გავიდა, მას შემდეგ, არცერთი ფაქტი იმისა, რომ ბიძინა ივანიშვილი პოლიტიკაში იყო ჩართული, არ არსებობს. რაც შეეხება მაგალითად, სააკაშვილს, ის არის დღემდე „ნაცმოძრაობის“ არაფორმალური ლიდერი, დღემდე ხარჯავს ნაძარცვ, სისხლიან ფულს საქართველოში პოლიტიკაში, მედიაში და ა.შ. ეს ერთი. მეორე კეზერაშვილი ისეც ნაძარცვი, სისხლიანი ფულით წავიდა საზღვარგარეთ და დღემდე ხარჯავს ფულს როგორც მედიაში, ასევე პოლიტიკაში. ხაზარაძე და ჯაფარიძე, მათზეც ყველა ის კანონი ვრცელდება, რომელიც უკრაინულ კანონშია მოცემული. ეს არის კონკრეტული თანხა, პოლიტიკაში ჩარევა და მედიაზე გავლენა. უკრაინული კანონიც რომ გვერდზე გადავდოთ, ეს კრიტერიუმი პირდაპირ ერგებათ ამ ადამიანებს, ისინი ცალსახად ოლიგარქები არიან. ისინი არიან ოლიგარქები ქართულ პოლიტიკაში, რომლებიც ფლობენ გავლენას პოლიტიკაში, მედიაზე, აქვთ ბევრი ფული, ოლიგარქი მეტი კი არაფერია.

რაც შეეხება ბიძინა ივანიშვილს, ის არავითარი ფორმით არ ხვდება ოლიგარქის ცნების ქვეშ, გარდა თანხისა. მარტო თანხა არ არის ოლიგარქის ცნების დასადგენად საკმარისი“,-განაცხადა კობახიძემ.

მისი თქმით, უკრაინაში მიღებულია კანონი და ეს კანონი პირდაპირ რომ დაკოპირდეს საქართველოში, ბიძინა ივანიშვილი ოლიგარქების ქვეშ არ მოხვდება.

„ავიღოთ, დავაკოპიროთ უკრაინული კანონი, რომელიც ობიექტურად არის გაწერილი, თუ ამ ცნებას საქართველოში გადმოიტანთ, ნახავთ, რომ ბიძინა ივანიშვილს არავითარი ფორმით არ ეგება ოლიგარქის ცნება. მაშინ, როდესაც სხვა ადამიანებზე - ეს არის იგივე სააკაშვილი, კეზერაშვილი, ხაზარაძე, ჯაფარიძე, პირდაპირ ზედგამოჭრილია ის ცნება, რომელიც უკრაინულ კანონშია გაწერილი“,-განაცხადა კობახიძემ.

ავტორი: NS (სტატია დაფინანსებულია),

სოციალური ქსელები

რუბიომ უკრაინის არმია ევროპაში ყველაზე ძლიერ არმიად მოიხსენია

კიევზე რუსეთის დარტყმას 8 ადამიანი ემსხვერპლა, 44 დაშავდა, 20 ადამიანს კი ეძებენ

ნიუ-იორკის სასამართლომ ქართველ ნაცისტს ყასაბის სახელით ცნობილ იხეილ ჩხიკვიშვილს 15 წლით თავისუფლების აღკვეთა მიუსაჯა

მარკეტა გრეგოროვა: „იმედმა“ და სხვა პროსამთავრობო არხებმა ევროპარლამენტის წესები დაარღვიეს