მართლა რაღაცას რომ აფუჭებდეს შენი ქვეყნის ხელისუფლება, ამაზე უნდა დახუჭო თვალი და არ ილაპარაკო რაღაც მომენტში, - ამის შესახებ "ქართული ოცნების" აღმასრულებელმა მდივანმა, მამუკა მდინარაძემ ოპოზიციის კრიტიკის საპასუხოდ განაცხადა.

მისი თქმით, არ არსებობს იმაზე მეტი მავნებლობა, ვიდრე ქართული საზოგადოების მიერ არჩეულ ხელისუფლებას პრორუსულობა დააბრალო. 

"როდესაც ისინი ცდილობენ, რომ საქართველოს მოსახლეობის, ქართული საზოგადოების მიერ არჩეულ ხელისუფლებას დააბრალონ პრორუსულობა, ამაზე მეტი მავნებლობა, თან ამ მართლაც ისტორიულ პროცესში, მართლაც ხომ არ არსებობს. იმიტომ, რომ შენ ასე ალაგებ 10 წელია, რომ ვიღაცას აბრალებ პრორუსულობას და ახლა არ გინდა აქედან გადაუხვიო, ამით ხომ შენს ქვეყანას აზიანებ?

ხანდახან ხომ დგება მომენტები, როდესაც მართლა რაღაცას რომ აფუჭებდეს შენი ქვეყნის ხელისუფლება, მოგონილზე კი არ მაქვს საუბარი, მართლა რაღაცას რომ აფუჭებდეს, ამაზე უნდა დახუჭო თვალი და არ ილაპარაკო რაღაც მომენტში. დავუშვათ, თეორიულ დაშვებას ვაკეთებ, არათუ სიმართლეზე და ობიექტურ გარემოებებზე, არამედ მოგონილ ამბებზე აგებენ ისეთ ნარატივს, რომელიც ცალსახად, უტყუარად და უდავოდ დამაზიანებელია ამ ქვეყნისათვის და მისი ევროპული პერსპექტივისათვის. და ხელოვნურ დაბრკოლებებზე როდესაც გვაქვს საუბარი, სწორედ ამას ვგულისხმობთ",- განაცხადა მდინარაძემ. 

ავტორი: ექსპრესნიუსი,

სოციალური ქსელები

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს

ბერლინთან ახლოს მდებარე Mercedes-Benz-ის მუშებმა ხელფასებთან დაკავშირებული დავის გამო ორსაათიანი გაფიცვა გამოაცხადეს

საქართველოს მორაგბეთა ნაკრებმა კანადა დაამარცხა - ბორჯღალოსნები ერთა თასზე დაუმარცხებელ სვლას განაგრძობენ

ისრაელის პრეზიდენტმა გადი აიზენკოტს დაავალა მთავრობის ფორმირება