ბერძენიშვილებმა თავის თავს მიხედონ,  ვერც კი ხვდებიან ან ხვდებიან და უშვებენ აზრს, როგორ იყენებენ ყინულმჭრელად საქართველოში ომისა და ღალატის პარტიის წარმომადგენლები და როგორ იბრძვიან მათი ხელით და პირით ქართული იდენტობის, საქართველოს ისტორიის, წმინდანი მეფეების  წინააღმდეგ -   განაცხადა „ქართული ოცნების“ აღმასრულებელმა მდივანმა მამუკა მდინარაძემ.

მისივე თქმით, წმინდანების, მეფეების შეურაცხყოფა, ეროვნული იდენტობის სხვადასხვა მახასიათებლებთან ბრძოლა ნიშნავს, რომ საზოგადოებაში აზრს  ტესტავენ. 

„ბერძენიშვილებმა თავის თავს მიხედონ იქიდან გამომდინარე, რომ ვერც კი ხვდებიან ან ხვდებიან და უშვებენ ამ აზრს, როგორ იყენებენ, ყინულმჭრელად საქართველოში ომისა და ღალატის პარტიის წარმომადგენლები და როგორ იბრძვიან მათი ხელით და პირით ქართული იდენტობის, საქართველოს ისტორიის, წმინდანი მეფეების  წინააღმდეგ. დავით აღმაშენებელს შეურაცხყოფდა ეს ხალხი, კონკრეტულად ისინიც მათ შორის, როდესაც მის შთამომავლობას ლანძღავდნენ, შემდეგ ერეკლეს.  წმინდანების, მეფეების შეურაცხყოფა, ამ ეროვნული იდენტობის სხვადასხვა მახასიათებლებთან, ნიშნებთან ბრძოლა როდესაც გამოცხადებული აქვთ ადამიანებს, ეს იმას ნიშნავს, რომ ყინულმჭრელის ფუნქციას ასრულებინებენ და ტესტავენ საზოგადოებაში აზრს. საქართველო არასდროს შეეგუება მსგავს დამოკიდებულებას, მსგავს ლანძღვას. ნურავის აჯერებენ, თითქოს საკუთარი წარსულის შეურაცხყოფა დასავლური იდენტობის ნაწილია. რეალურად ღირსება, შენი იდენტობა, ისტორია, ტრადიციის პატივისცემა, კულტურა არის სწორედ დასავლეთი, ევროპა და ევროპულობა. ამას შეეგუონ და ქართველი ხალხის აზრის გატესტვას, განსაკუთრებით ამ მიმართულებით,  თავი დაანებონ“ - განაცხადა მამუკა მდინარაძემ.

შეგახსენებთ, რომ 6 ივნისს, რესპუბლიკური პარტიის წევრებს ხათუნა სამნიძეს და დავით ბერძენიშვილს რუსთაველის გამზირზე თავს დაესხნენ. პოლიტიკოსებს დაზარალებულის სტატუსი მიანიჭეს.

ავტორი: ექსპრესნიუსი,

სოციალური ქსელები

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს

Axios: თეთრი სახლის ადმინისტრაციის უფროსის მოადგილე რიჩარდ უოლტერსი ტრამპის ადმინისტრაციაში საკადრო ცვლილებების ფონზე თანამდებობას ტოვებს