„ძალიან მნიშვნელოვანია საქართველოს საელჩოების როლის გაზრდა როგორც ინვესტიციების მოზიდვის თვალსაზრისით, ასევე საექსპორტო ბაზრების უფრო ეფექტური ათვისებისა და ექსპორტის წახალისებისთვის" - ამის შესახებ ეკონომიკის მინისტრის მოადგილემ, ირაკლი ნადარეიშვილმა ეკონომიკური დიპლომატიის ღონისძიებაზე განაცხადა, რომელიც ცერემონიების სასახლეში გაიმართა და მასში საგარეო საქმეთა სამინისტროს, ევროკავშირის, EBRD-ისა და სააგენტოს „აწარმოე საქართველოში" წარმომადგენლები მონაწილეობდნენ.

პროგრამა, რომელიც  ეკონომიკის სამინისტროს სააგენტოს „აწარმოე საქართველოში" ინიციატივით, ევროკავშირის მხარდაჭერით, EBRD-ისა და საგარეო საქმეთა სამინისტროს მონაწილეობით განხორციელდა, საქართველოს საზღვარგარეთ მისიებისა და საგარეო საქმეთა სამინისტროს წარმომადგენლების გადამზადებას გულისხმობდა ეკონომიკური დიპლომატიის საკითხებში.  სასწავლო კურსს ბრიტანული ორგანიზაცია  ICPS ექსპერტები უძღვებოდნენ.

„გადამზადდა საქართველოს საელჩოებში დასაქმებული 80- მდე თანამშრომელი, რომლებიც ეკონომიკური მიმართულებით მუშაობენ, ასევე გადამზადდა რამდენიმე ტრენერი, რაც უზრუნველყოფს ამ პროგრამის უწყვეტობას და მდგრადობას.  ვფიქრობთ, რომ ეს კიდევ უფრო წაახალისებს და მაღალ დონეზე აწევს ეკონომიკისა და საგარეო საქმეთა სამინისტროების თანამშრომლობას და კიდევ უფრო ეფექტურს გახდის ამ ორი მიმართულებით საქართველოს მთავრობის მუშაობას" - აღნიშნა ირაკლი ნადარეიშვილმა და განსაკუთრებული მადლობა გადაუხადა ევროკავშირსა და EBRD-ს პროგრამის მხარდაჭერისთვის.

ღონისძიების ფარგლებში ასევე გაიმართა პანელური დისკუსიები და პრეზენტაციები, რის შემდეგაც გადამზადების პროგრამის მონაწილეებს სერტიფიკატები გადაეცათ.

ავტორი: NS (სტატია დაფინანსებულია),

სოციალური ქსელები

ესტონეთი ევროკავშირს „ქართული რეჟიმის“ წინააღმდეგ პერსონალური სანქციების დაწესებისკენ მოუწოდებს

სარჯველაძე : რა ვადაში იქნება ნაპოვნი კონკრეტული პასუხი - ჩემთვის მითუმეტეს შეუძლებელია იმის ფონზე, რომ ამას ვერ ამბობს ინგლისის ხელისუფლება, ვერ ამბობს EMA

პირთა ჯგუფი ჯარში გაწვევის თავიდან ასარიდებლად, ყალბ ჯანმრთელობის ცნობებს ამზადებდა და 30 წვევამდელიდან ასი ათას ლარზე მეტი აიღო

ერთ წელიწადში საქართველოში 1560 ბავშვზე იძალადეს, მათ შორის 170-ზე სექსუალურად