ევროკავშირის წევრების მიერ შეთანხმებული ნავთობის ემბარგოს გამო , რუსეთი წელიწადში დაახლოებით 10 მილიარდ დოლარს დაკარგავს. ამის შესახებ Bloomberg იტყობინება .

გამოცემის გათვლებით, რუსული ნავთობის იმპორტის დაახლოებით ორი მესამედი ოფშორული გადაზიდვებიდან მოდის. ემბარგოს დაწესების შემდეგ, რუსეთი წელიწადში 10 მილიარდ დოლარამდე საექსპორტო შემოსავლებს დაკარგავს. 

ეს იმიტომ ხდება, რომ აკრძალვა რუსეთს აიძულებს გაყიდოს თავისი ნავთობი ფასდაკლებით აზიაში, სადაც ის უკვე დაახლოებით 34 დოლარით იაფია ბარელი Brent-ის ფიუჩერსების ფასებზე.

შეგახსენებთ, რომ დღეს, დიდხნიანი მსჯელობის შემდეგ, ევროკავშირის ლიდერები შეთანხმდნენ, რომ სანქციების მეექვსე პაკეტში რუსეთის ნავთობზე ნაწილობრივი ემბარგო დააწესონ.

ევროკავშირის საბჭოს პრეზიდენტმა შარლ მიშელმა განაცხადა, რომ შეთანხმება მოიცავს რუსეთიდან ნავთობის იმპორტის ორ მესამედზე მეტს, რაც მხოლოდ ზღვით შემოტანილ რუსულ ნავთობს გულისხმობს და იძლევა დროებით გათავისუფლებას მილსადენებით მიწოდებული იმპორტისთვის.

რუსეთის წინააღმდეგ ახალი სანქციები ასევე მოიცავს სამი რუსული სახელმწიფო მაუწყებლის აკრძალვას, თქვა მან. მეექვსე პაკეტი ასევე ითვალისწინებს SWIFT-დან უმსხვილესი რუსული ბანკის Sberbank-ის გათიშვას და უკრაინაში სამხედრო დანაშაულებებზე პასუხისმგებელი პირების წინააღმდეგ სანქციების დაწესებას.

ავტორი: ექსპრესნიუსი,

სოციალური ქსელები

კალასი: ევროკავშირმა შესაძლოა კვლავ წამოჭრას „ოცნებისა“ და ივანიშვილის წინააღმდეგ სანქციების საკითხი

ესტონეთი ევროკავშირს „ქართული რეჟიმის“ წინააღმდეგ პერსონალური სანქციების დაწესებისკენ მოუწოდებს

სარჯველაძე : რა ვადაში იქნება ნაპოვნი კონკრეტული პასუხი - ჩემთვის მითუმეტეს შეუძლებელია იმის ფონზე, რომ ამას ვერ ამბობს ინგლისის ხელისუფლება, ვერ ამბობს EMA

პირთა ჯგუფი ჯარში გაწვევის თავიდან ასარიდებლად, ყალბ ჯანმრთელობის ცნობებს ამზადებდა და 30 წვევამდელიდან ასი ათას ლარზე მეტი აიღო