ვიცე-პრემიერი, ეკონომიკისა და მდგრადი განვითარების მინისტრი, ლევან დავითაშვილი ყაზახეთის ინდუსტრიისა და ინფრასტრუქტურული განვითარების მინისტრს კაირბეკ უკსენბაევს და მის თანმხლებ პირებს შეხვდა. ამის შესახებ ინფორმაციას ეკონომიკის სამინისტრო ავრცელებს. 

უწყების ცნობით, ყაზახეთის დელეგაცია საქართველოში მონაწილეობას მიიღებს ორმხრივი სავაჭრო - ეკონომიკური თანამშრომლობის მთავრობათაშორისი კომისიის მე-11-ე სხდომის მუშაობაში.

შეხვედრაზე მინისტრებმა განიხილეს ორ ქვეყანას შორის არსებული პრიორიტეტული საკითხები, მათ შორის, თანამშრომლობის გაღრმავება ტურიზმის, ინვესტიციების,  ტრანსპორტისა და სხვა მიმართულებით.

აღინიშნა, რომ შთამბეჭდავია ორმხრივი ვაჭრობის ზრდის დინამიკა საქართველოსა და ყახაზეთს შორის - მხოლოდ 2022 წლის პირველ კვარტალში სავაჭრო ბრუნვა წინა წლის ანალოგიურ პერიოდთან შედარებით 123 პროცენტით, ხოლო ექსპორტი  - 150 პროცენტით გაიზარდა. ამის მიუხედავად, მინისტრებმა განაცხადეს, რომ პოტენციალი ქვეყნებს შორის დიდია და მას აუცილებლად შემდგომი განვითარება ესაჭიროება.

„ჩვენ ასევე განვიხილეთ ის შესაძლებლობები, რომლებიც ხელს შეუწყობს საქართველოს სატრანზიტო პოტენციალის სრულად გამოყენებას. მათ შორის, ინფრასტრუქტურის განახლებას ჩვენი ქვეყნის პორტებში იმისთვის, რომ საქართველომ უფრო მეტი ტვირთის გატარება შეძლოს," - განაცხადა ვიცე-პრემიერმა ლევან დავითაშვილმა შეხვედრის დასრულების შემდეგ. მისი თქმით, ყაზახეთი მნიშვნელოვნად დამაკავშირებელ როლს თამაშობს ევროპასა და აზიას შორის და მისი ტერიტორიის გავლით მილიონ კონტეინერზე ყოველწლიურად მეტი ტვირთის გადაზიდვა ხდება.

„ძალიან მნიშვნელოვანია, რომ ტვირთის დიდი ნაწილი საქართველოს მეშვეობით გადაადგილდეს ევროპაში, რაც დამატებითი შემოსავალია როგორც საქართველოში არსებული ლოგისტიკური კომპანიებისთვის, ასევე მთლიანად ქვეყნისათვის," – აღნიშნა ვიცე-პრემიერმა.

ლევან დავითაშვილმა ასევე განსაკუთრებული ყურადღება გაამახვილა არამხოლოდ ორმხრივი, არამედ რეგიონული თანამშრომლობის გაღრმავებაზე. „ვაგრძელებთ დეტალურ განხილვებს ჩვენს კოლეგებთან აზერბაიჯანში, ყაზახეთში, თურქეთში და გავაგრძელებთ მუშაობას იმ მიმართულებით, რომ შუა დერეფანმა მაქსიმალური კონკურენტუნარიანობა შეიძინოს და ის მაქსიმალურად დაიტვირთოს," - განაცხადა ვიცე-პრემიერმა.

შეხვედრაში ასევე მონაწილეობდნენ საქართველოს ეკონომიკისა და მდგრადი განვითარების მინისტრის მოადგილეები გენადი არველაძე და გურამ გურამიშვილი, აგრეთვე სს „საქართველოს რკინიგზის" გენერალური დირექტორი დავით ფერაძე.

ხვალ ორმხრივი ეკონომიკური კავშირების გაღრმავებაზე საქართველო - ყაზახეთის ეკონომიკური თანამშრომლობის მთავრობათაშორისი კომისიაზე იმსჯელებენ, რომელიც ერთ-ერთი მნიშვნელოვანი ფორმატი და მექანიზმია ქვეყნებს შორის სავაჭრო-ეკონომიკური და სატრანსპორტო ურთიერთობების განვითარების მიმართულებით. კომისიის სხდომაზე განხილული იქნება სავაჭრო-ეკონომიკურ სფეროში არსებული მდგომარეობა და მათი განვითარების პერსპექტივები, თანამშრომლობა სოფლის მეურნეობის, ტურიზმის, ტრანსპორტისა და კავშირგაბმულობის, საინფორმაციო ტექნოლოგიების და ინოვაციების სფეროებში.       
 

ავტორი: NS (სტატია დაფინანსებულია),

სოციალური ქსელები

პრაღაში ათიათასობით ადამიანი საზოგადოებრივი მაუწყებლობის რეფორმის წინააღმდეგ საპროტესტო აქციას მართავს

აშშ-ის ბინძური საარჩევნო რბოლა:შეურაცხყოფა და დამცირება, რა ხდება არჩევნებამდე

FT-ის გამოკითხვა: ამერიკელების თითქმის 70% შეშფოთებულია ტრამპის ადმინისტრაციაში კორუფციით

ცოლის მკვლელობაში ეჭვმიტანილი - ვინც მიცნობთ, ჩემს ბავშვებს აწყენინებს, იცოდეთ, იმ ქვეყნიდან მოვბრუნდები და დედებს მოგ**ნავთ ყველას