„ბოსტნეულის წარმოება უკანასკნელ წლებში 15%-ით გაიზარდა და 176.1 ათასი ტონა შეადგინა.   ამჟამად, ბოსტნეულის იმპორტის ძირითადი ნაწილი მოდის არასეზონზე, რაც გამოწვეულია სეზონზე მოყვანილი ბოსტნეულის შესანახი საჭირო ინფრასტრუქტურის, თანამედროვე სტანდარტებისა და ტექნოლოგიების, სამაცივრე მეურნეობების სიმცირით. სწორედ ამ მიზნით ჩვენ დავიწყეთ სასოფლო-სამეურნეო კოოპერატივებისთვის ბოსტნეული კულტურების შემნახველი საწარმოების თანადაფინანსების სახელმწიფო პროგრამა. თანადაფინანსების საშუალებით უზრუნველყოფილი იქნება მიღებული მოსავლის საერთაშორისო სტანდარტების შესაბამისად შენახვა და საჭირო ინფრასტრუქტურის განვითარება“,- განაცხადა გარემოს დაცვისა და სოფლის მეურნეობის მინისტრმა, ოთარ შამუგიამ პარლამენტში „მინისტრის საათის“ ფორმატში სიტყვით გამოსვლისას.

„სასოფლო-სამეურნეო კოოპერატივების შემნახველი საწარმოების თანადაფინანსების“  სახელმწიფო პროგრამის ფარგლებში, სოფლის განვითარების სააგენტო უზრუნველყოფს  შემნახველი და სამაცივრე  ინფრასტრუქტურის თანადაფინანსებას, რომელიც  გათვალისწინებული იქნება მხოლოდ ბოსტნეულის და კარტოფილის შესანახად.  500 ტონა  ტევადობის  შემნახველი საწარმოს  თანადაფინანსების მოცულობა შეადგენს, მისი  ჯამური ღირებულების არაუმეტეს 80%-ს, არაუმეტეს 450,000 ლარს. 

სახელმწიფო პროგრამით, 140 მლნ ლარზე მეტი ღირებულების სასოფლო-სამეურნეო ტექნიკის მობილიზება იქნა შესაძლებელი

გარემოს დაცვისა და სოფლის მეურნეობის მინისტრმა, ოთარ შამუგიამ, პარლამენტში „მინისტრის საათის“ ფორმატში,  სამინისტროს მიერ 2021 წელს გაწეული საქმიანობისა და სახელმწიფო პროგრამების  შესრულების ანგარიში წარადგინა. 
მინისტრის განცხადებით, სასოფლო-სამეურნეო მექანიზაციის თანადაფინანსების სახელმწიფო პროგრამით,   რომელიც პრემიერის ინიციატივით 2021 წელს დაიწყო,  140 მლნ ლარზე მეტი ღირებულების სასოფლო-სამეურნეო ტექნიკის მობილიზება იქნა შესაძლებელი. სახელმწიფო პროგრამის ფარგლებში, 2,327 ბენეფიციარმა თანადაფინანსებით მიიღო  სხვადასხვა ტიპის სასოფლო-სამეურნეო ტექნიკა. პროგრამის ფარგლებში, სოფლის განვითარების სააგენტოს  თანადაფინანსებამ 45,6მილიონი ლარი შეადგინა.

რაც შეეხება ტექნიკური დახმარების პროგრამას, რომელსაც სოფლის განვითარების სააგენტო ახორციელებს, 132-მა კომპანიამ მიიღო სახელმწიფო თანადაფინანსება, მათ შორის 52 სასოფლო-სამეურნეო კოოპერატივია.   ტექნიკური  დახმარების პროგრამა მოიცავს სურსათის უვნებლობის მართვის საერთაშორისო სისტემებისა და სტანდარტების დანერგვის, პროდუქციის ბრენდირებისა და შეფუთვის, ასევე სასოფლო-სამეურნეო კოოპერატივების მართვის საკონსულტაციო მომსახურების, პროდუქციის საბოლოო სასაქონლო სახის მისაცემად საჭირო აღჭურვილობის თანადაფინანსებასა და  სასოფლო-სამეურნეო კოოპერატივების მიერ სასაქონლო ნიშნის რეგისტრაციის ღირებულების თანადაფინანსებას.  

 მოწესრიგებული სამელიორაციო ინფრასტრუქტურა მნიშვნელოვნად ავითარებს სოფლის მეურნეობის სექტორს

„ინტენსიურად გრძელდება საირიგაციო და სადრენაჟე ინფრასტრუქტურის რეაბილიტაცია. შედეგად, ქვეყანაში მელიორირებული ფართობი 200 ათას ჰექტარზე მეტია“, - განაცხადა საქართველოს გარემოს დაცვისა და სოფლის მეურნეობის მინისტრმა, ოთარ შამუგიამ,   პარლამენტში „მინისტრის საათის“ ფორმატში სიტყვით გამოსვლისას. როგორც მინისტრმა აღნიშნა, წყალუზრუნველყოფილი ფართობი 45 000-დან 160 ათას ჰექტრამდე გაიზარდა,  ხოლო დრენირებული მიწის ფართობი 14 000-დან 43 ათას ჰა-მდე. ექსპლუატაციაში შევიდა ახალი სატუმბი სადგურები. კვლავ დიდ გამოწვევად რჩება ძველი და ამორტიზებული სამელიორაციო ინფრასტრუქტურა.  

„ჩვენი პარტნიორი დონორი ორგანიზაციების დახმარებით და საბიუჯეტო დაფინანსებით, ამჟამადაც მიმდინარეობს და მომავალშიც დაგეგმილია მასშტაბური სამელიორაციო პროექტების განხორციელება, როგორც საირიგაციო ინფრასტრუქტურის, ასევე სადრენაჟე სისტემების რეაბილიტაციის მიზნით, რაც საშუალებას მოგვცემს,  ათეულობით ათასი ჰექტარი სასოფლო-სამეურნეო სავარგული გავხადოთ ინტენსიურად გამოყენებული სოფლის მეურნეობაში, ჩავუტაროთ რეაბილიტაცია არსებულ საირიგაციო წყალსაცავებს და ავაშენოთ ახალი, გავაუმჯობესოთ წყლის მართვა. ირიგაციისა და დრენაჟის სექტორში მსხვილი ინვესტიციების განსახორციელებლად აქტიურად ვთანამშრომლობთ ჩვენს პარტნიორ საერთაშორისო ორგანიზაციებსა და საფინანსო ინსტიტუტებთან, ესენია მსოფლიო ბანკი, ევროპის საინვესტიციო ბანკი, აზიის განვითარების ბანკი, საფრანგეთის განვითარების სააგენტო). თანამშრომლობის მიზანია არა მხოლოდ სამელიორაციო სისტემების აღდგენა-მოდერნიზაცია, არამედ დარგში ინსტიტუციური რეფორმების განხორციელება, მომხმარებელზე ორიენტირებული სერვისების დახვეწა, ეფექტიანი და გამჭვირვალე მართვის მსოფლიოში აპრობირებული მექანიზმების დანერგვა, მათ შორის დეცენტრალიზაცია წყალმომხმარებელთა ორგანიზაციების ჩამოყალიბებით და ფერმერთა როლის გააქტიურებით“, - განაცხადა ოთარ შამუგიამ.  

ავტორი: NS (სტატია დაფინანსებულია),

სოციალური ქსელები

უკრაინაში კიდევ ერთი ქართველი მებრძოლი ბაჩო ბებია დაიღუპა

კალასი: საქართველო დემოკრატიის უკუსვლიდან შემობრუნების არანაირ ნიშანს არ აჩვენებს

ზელენსკის თქმით, დრუჟბას ნავთობსადენი ოპერაციების განახლებისთვის მზადაა

იოზვიაკი წერს, რა განიხილეს EU-ის მინისტრებმა დღევანდელ შეხვედრაზე საქართველოზე