2022-04-11 18:14:27, 1218 ნახვა
პოლიტიკა
თავდაცვის მინისტრმა ევროპარლამენტის დელეგაციას უმასპინძლა
საქართველოში ვიზიტით ევროკავშირის საპარლამენტო დელეგაცია იმყოფება. – ამის შესახებ ინფორმაციას თავიდაცვის სამინისტრო ავრცელებს.
უწყების ცნობით, საგარეო ქმედებათა კომიტეტის უსაფრთხოებისა და თავდაცვის ქვეკომიტეტის წევრებს დღეს თავდაცვის მინისტრმა ჯუანშერ ბურჭულაძემ უმასპინძლა.
მხარეებმა ევროკავშირში ინტეგრაციის საკითხები, თავდაცვის რეფორმები და ევროკავშირში ინტეგრაციის კუთხით თავდაცვის სამინისტროს პრიორიტეტები განიხილეს. შეხვედრაზე ყურადღება გამახვილდა რეგიონში მიმდინარე მოვლენებსა და რუსეთ-უკრაინის ომზე. თავდაცვის სამინისტროში ვიზიტისას ევროკავშირის საპარლამენტო დელეგაციამ ასევე მოინახულა ნატო-საქართველოს წვრთნებისა და შეფასების ერთობლივი ცენტრი (JTEC) და ცენტრის მუშაობის სპეციფიკას გაეცნო.
ავტორი: NS (სტატია დაფინანსებულია),
epn.ge (@expressnews.ge)
