უკრაინის პრეზიდენტი ვოლოდიმირ ზელენსკი აცხადებს, რომ მარიუპლში რუსი ოკუპანტების თავდასხმას უკვე ათი ათასობით ადამიანი ემსხვერპლა.

როგორც ზელენსკი აღნიშნავს, ოკუპანტებს სურთ, რომ მარიუპოლი „დემონსტრაციულად განადგურებულ ქალაქად“ აქციონ.

"ყველაზე რთული ვითარებაა მარიუპოლში, ის განადგურებულია. აქ ათი ათასობით ადამიანია დაღუპული. თუმცა ამის მიუხედავად, რუსები არ წყვეტენ შეტევით ოპერაციას", - აცხადებს ზელენსკი. 

ცნობისთვის, რუსმა ოკუპანტებმა ქალაქი მარიუპოლი 1-ელ მარტს დაიკავეს. ქალაქი ჰუმანიტარული კატასტროფის წინაშე დგას, თუმცა ამავდროულად,  აგრესორი ქვეყნის სამხედროები კვლავ აგრძელებენ ქალაქის დაბომბვას.

ცნობისთვის, დღეს ბრიტანეთის თავდაცვის სამინისტროს დაზვერვის სამსახურმა გაავრცელა ინფორმაცია, რომ რუსმა ოკუპანტებმა, შესაძლოა, მარიუპოლში ფოსფორიანი საბრძოლო მასალები გამოიყენონ.

ავტორი: ექსპრესნიუსი,

სოციალური ქსელები

ტრამპის ადმინისტრაციამ განაცხადა, რომ რუსეთის წინააღმდეგ სანქციები რამდენიმე ქვეყნის მოთხოვნის საფუძველზე შეამსუბუქა

ტრამპმა შეადგინა ნატოს „ურჩი“ ქვეყნების სია, რომლებიც ვაშინგტონის სურვილით, დაისჯებიან

საქართველო „ღია მმართველობის პარტნიორობიდან “ (OGP) გარიცხეს

გავარმიას ინფორმაციით, ბერა ივანიშვილის და კახი კალაძის სამეგობროს ჩხუბის შემდეგ, ივანიშვილის მეგობრები სუს-მა დააკავა