2022-04-04 18:09:31, 687 ნახვა
პოლიტიკა
ვოლოდიმირ ზელენსკი ქალაქ ბუჩაში ჩავიდა
უკრაინის პრეზიდენტი ვოლოდიმირ ზელენსკი ბუჩაში ჩავიდა. პრეზიდენტი ადგილობრივებს ესაუბრა და მათთან საუბარში კიდევ ერთხელ განაცხადა, რომ რუსეთი უკრაინაში გენოციდს ახორციელებს.
რაც უფრო მეტად გააჭიანურებს რუსეთი უკრაინისა და რუსეთის პრეზიდენტების შეხვედრას, მით უარესი თავად რუსეთისთვის და პრინციპში ამ ომისთვისაც, – ეს უკრაინის პრეზიდენტის, ვოლოდიმირ ზელენსკის განცხადებაა, რომელიც მან ბუჩაში ჟურნალისტებთან საუბრის დროს გააკეთა.
ზელენსკის განცხადებით, რუსეთი უნდა დაფიქრდეს.
„ყოველდღე, როცა ჩვენი ჯარები ტერიტორიების დეოკუპაციას ახდენენ ხედავთ, რაც ხდება. ძალიან რთულია საუბარი, როცა ხედავ რა ჩაიდინეს აქ. ყოველდღიურად პოულობენ ხალხს სარდაფებში გაგუდულს და ნაწამებს. ამიტომ, თუ აზროვნება შეუძლიათ, დროულად დაფიქრდნენ“, – განაცხადა ვოლოდიმირ ზელენსკიმ.
ავტორი: ექსპრესნიუსი,
epn.ge (@expressnews.ge)
