2022-03-31 01:18:05, 626 ნახვა
პოლიტიკა
თუ არ იქნება სანქციები, ეძებეთ სხვა სამსახური - ზელენსკიმ საქართველოდან ელჩი გაიწვია
პრეზიდენტმა ვოლოდიმირ ზელენსკიმ ახალ მიმართვაში განაცხადა, რომ მან ხელი მოაწერა განკარგულებებს მაროკოსა და საქართველოდან უკრაინის ელჩების გაწვევის შესახებ.
სახელმწიფოს მეთაურის თქმით, ახლა არიან ისეთები, რომლებიც „ყველასთან ერთად მუშაობენ უკრაინის დასაცავად“ და ისინი, ვინც „დროს კარგავენ და მუშაობენ მხოლოდ თანამდებობაზე დარჩენისთვის“.
„დღეს ხელი მოვაწერე პირველ განკარგულებას მაროკოდან უკრაინის ასეთი ელჩის გაწვევის შესახებ. საქართველოდან ელჩიც დააბრუნეს. მთელი პატივისცემით - არ იქნება იარაღი, არ იქნება სანქციები, არ იქნება შეზღუდვები რუსულ ბიზნესზე - გთხოვთ, მოძებნოთ სხვა სამუშაო“, - განაცხადა პრეზიდენტმა.
ავტორი: ექსპრესნიუსი,
epn.ge (@expressnews.ge)
