საქართველოს მეცნიერებათა აკადემიის წევრების აზრით, XX საუკუნის გეოპოლიტიკური უდიდესი ტრაგედია იყო საბჭოთა კავშირის დაშლა. ამის შესახებ, მეცნიერებათა აკადემიაში ჩატარებულ ეროვნულ პრობლემათა შემსწავლელი კომისიის სხდომაზე იქნა ნათქვამი.
სხდომა გახსნა აკადემიკოსმა ელიზბარ ჯაველიძემ; როგორც მომხსენებელმა თავის მოხსენებაში აღნიშნა, -„როდესაც ვსაუბრობთ ქართული გეოპოლიტიკური სკოლის პარადიგმებზე, მხედველობაშია ქართული ფილოსოფიური სკოლა; ეს არის ძალიან აქტუალური საკითხი, რომელიც აწუხებს ნებისმიერ ერს. ჩვენ უნებლიედ ვართ გეოპოლიტიკაში ჩართულები და ამისგან დისტანცირებას ვერასოდეს ვერ მოვახდენთ. ეს არის გარკვეული ერის ინტერესების გატარება კონკრეტულ რეგიონში. მაგალითისთვის ავიღოთ რუსეთი, რომელიც მადნეულის და წიაღისეულის ულევი წყაროა და მისი ინტერესი დიდ ბრიტანეთს აქვს, ასევე ამერიკასაც.
XX საუკუნის გეოპოლიტიკური უდიდესი ტრაგედია იყო საბჭოთა კავშირის დაშლა. - ხაზგასმით აღინიშნა სხდომაზე. 
მათი აზრით მსოფლიოში არსებობს სხვადასხვა გეოპოლიტიკური სკოლები, რომელთათვისაც საერთოა იმპერიალისტური სკოლა და იდეოლოგია, ეს იქნება ინგლისური, ამერიკული, ფრანგული თუ სხვა.

მეცნიერებათა ეროვნული აკადემიის ბიუჯეტი 2017 წელს 4 მლნ. ლარზე მეტი იყო. აქედან, ყველაზე მეტი შრომის ანაზღაურებაზე დაიხარჯა (2,215,246 ლარი).

2012 წელს მეცნიერებათა აკადემიის ბიუჯეტი (ფონდების გარეშე) 3 მლნ.100 ათასი ლარი იყო.

დღეს მეცნიერებათა აკადემიაში 59 აკადემიკოსი და 31 წევრ-კორესპონდენტია. აკადემიკოსის სტატუსი სამუდამოა და ისინი ამ სტატუსის გამო ცხოვრების ბოლომდე იღებენ ხელფასს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ განაცხადა, რომ ზელენსკი მზადაა პუტინს ანტარქტიდაში შეხვდეს, მაგრამ არა მოსკოვში

კირცხალია ივანიშვილის წარმომადგენელთა სხდომაზე - განვიხილეთ ჩინეთთან ურთიერთობა და სხვა პოლიტიკური საკითხები

ღარიბაშვილი სხდომების დახურვაზე -ჩრდილოვანი მართლმსაჯულების მკაფიო მაგალითია

ბრალი წარედგინა მასწავლებელს, რომელიც 30 წლის წინ, 7 წლის დაზარალებულზე სექსუალურად ძალადობდა - საფარი