თქვენ ამბობთ ადამიანზე, რომელიც ორჯერ საჯაროდ აიცრა, ანტივაქსერიაო? რისთვის, იმისთვის,რომ „მწვანე პასპორტებთან“ დაკავშირებით გადაწყვეტილება მიიღო? - ამ კითხვით მიმართა პარლამენტის ვიცე-სპიკერმა არჩილ თალაკვაძემ პლენარულ სხდომაზე ოპოზიციონერ დეპუტატებს.

მისივე თქმით, ის რომ ქვეყანას ვაქცინაციაზე უნივერსალური ხელმისაწვდომობა აქვს ირაკლი ღარიბაშვილის დამსახურებაა.

„პრემიერ-მინისტრთან დაკავშირებით ბრალდება მოვისმინე,  რომ ანტივაქსერიაო და ამას უპასუხოდ ნამდვილად ვერ დავტოვებ. პრემიერ-მინისტრმა ირაკლი ღარიბაშვილმა უზრუნველყო ზუსტად საქართველოში ვაქცინების შემოტანა და უნივერსალური ხელმისაწვდომობა არამხოლოდ ერთი ბრენდის ვაქცინაზე, არამედ სხვადასხვა ვაქცინაზე და თქვენ ამბობთ ადამიანზე, რომელიც ორჯერ საჯაროდ აიცრა, ანტივაქსერიაო? რისთვის, იმისთვის,რომ „მწვანე პასპორტებთან“ დაკავშირებით გადაწყვეტილება მიიღო? ძალიან კარგად იცით, რაც თქვა და რაც იგულისხმა. ძალიან კარგად იცით, რაც აქვს გაკეთებული ირაკლი ღარიბაშვილს კოვიდ პანდემიის პერიოდში და დღეს, რომ ქვეყანას აქვს ვაქცინაციაზე უნივერსალური ხელმისაწვდომობა ეს სწორედ პრემიერ-მინისტრის ხელმძღვანელობის პერიოდში მოხდა“. -  განაცხადა არჩილ თალაკვაძე.

ავტორი: ექსპრესნიუსი,

სოციალური ქსელები

„ისინი არასტაბილურ მდგომარეობაში არიან.“ ესტონეთმა რუსეთთან მოლაპარაკებების შეწყვეტისკენ მოუწოდა

უკრაინაში რუსეთის დანაშაულებზე სპეციალური ტრიბუნალი ჰააგაში განთავსდება

ივანიშვილის რეჟიმმა, 8 თვის ორსული უკრაინელი ჟურნალისტი საქართველოში არ შემოუშვა

სოფელ ხრამში კაცის ცხედარი იპოვეს