2022-02-14 14:12:20, 755 ნახვა

---

ირაკლი კობახიძე ე.წ ქოლ-ცენტრების საქმეზე - მგონია, რომ კვალი მიგვიყვანს პირამდე, რომელიც უკავშირდება „ნაცმოძრაობას“

კონკრეტულმა მედიასაშუალებებმა დაიწყეს საუბარი ე.წ. ქოლ-ცენტრებზე, არის ეჭვები, რომლითაც „ნაცმოძრაობის“ კონკრეტულ წარმომადგენლებამდე მივყავართ, - ამის შესახებ „ქართული ოცნების" თავმჯდომარემ, ირაკლი კობახიძემ ჟურნალისტებთან საუბრისას განაცხადა.

ირაკლი კობახიძის შეფასებით, ოპოზიციის მხრიდან აღნიშნულზე საუბარი, იაფფასიანი სპეკულაციაა.

„კონკრეტულმა მედიასაშუალებებმა დაიწყეს საუბარი ე.წ. ქოლცენტრების შესახებ, რომ არის ეჭვები, რომელთაც „ნაცმოძრაობის“ კონკრეტულ წარმომადგენლებამდე მივყავართ და რომლებიც, თავის მხრივ, დაკავშირებულნი არიან „ნაცმოძრაობის“ საკუთრებაში არსებულ ტელევიზიებთან. ოპოზიციის მხრიდან, ამაზე პასუხი არის ის, რომ უნდათ აქცენტების გადატანა „ნაცმოძრაობასთან“ დაკავშირებული პირიდან სხვა პირებზე. ეს ძალიან იაფფასიანი სპეკულაციაა. გამოძიება უნდა დაიწყოს და ალბათ, დაწყებულიცაა. მგონია, რომ კვალი მიგვიყვანს იმ პირამდე, რომელიც პირდაპირ უკავშირდება „ნაცმოძრაობას“, - განაცხადა ირაკლი კობახიძემ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი