19:04 - 08 Apr, 2026
ჩვენ შესახებ რეკლამა/ხელმოწერა
2022-02-11 04:20:47, 1279 ნახვა

სხვადასხვა
აივ-შიდსის აღმომჩენი ნობელის პრემიის ლაურეატი, ვირუსოლოგი ლუკ მონტანიე გარდაიცვალა

89 წლის ასაკში ნობელის პრემიის ლაურეატი, ვირუსოლოგი ლუკ მონტანიე გარდაიცვალა. მეცნიერი პარიზთან ახლოს, ამერიკულ ჰოსპიტალში გარდაიცვალა სადაც ხანგრძლივი ავადმყოფობის შემდეგ მკურნალობას გადიოდა.

ლუკ მონტანიე ფრანგი ვირუსოლოგია, საპატიო ლეგიონის ორდენის კავალერი, ნობელის პრემიის ლაურეატი მედიცინისა და ფიზიოლოგიის დარგში 2008 წელს, რომელიც გაიყო ჰარალდ ცურ ჰაუზენთან და ფრანსუაზ ბარე-სინუსისთან. ბარე-სინუსისთან ერთად 1983 წელს აღმოაჩინა ადამიანის იმუნოდეფიციტის ვირუსი.
ფრანგი ვირუსოლოგი ლუკ მონტანიე, რომელსაც 2008 წელს ნობელის პრემია აივ-ის აღმოჩენისთვის მიენიჭა, აცხადებს, რომ ახალი ტიპის კორონავირუსს COVID-19-ის ბუნებრივი წარმომავლობა არ აქვს და ის ლაბორატორიაში შეიქმნა.
პროფესორს,  არ სჯეროდა, რომ ვირუსი ვუჰანის ბაზარში დაბინძურების შედეგად გაჩნდა.
ეს არ გახლავთ პირველი შემთხვევა, როდესაც 2008 წლის ნობელის პრემიის ლაურეატი ლუკ მონტანიე სხვა მეცნიერთა კრიტიკის ობიექტი გახდა. აუცილებლად უნდა აღინიშნოს, რომ მას ეს ჯილდო 1980-იანი წლების დასაწყისში გაწეული შრომისთვის მისცეს. 2010-იანი წლებიდან ის თავის გამოჩენას ტრადიციულ სამეცნიერო მიდგომებთან შეწინააღმდეგებით ცდილობს; ასე მოხდა ამჯერადაც, როდესაც მთელ სამეცნიერო საზოგადოებას თავს დაესხა.
კორონავირუსის ცილების ახალი კვლევა მიუთითებს, რატომ ვრცელდება ის ასე ადვილად და სწრაფად
მსგავსი: კორონავირუსის ცილების ახალი კვლევა მიუთითებს, რატომ...
მაგალითად, ის მხარს უჭერს ძალიან საკამათო მოსაზრებას „წყლის მეხსიერების“ შესახებ, მიაჩნია, რომ აუტიზმს მიკრობიოლოგიური წარმოშობა აქვს, რომის პაპს პარკინსონის დაავადების მკურნალობა პაპაიას წვენით ურჩია და რაც ყველაზე გასაკვირია, მხარს უჭერს ვაქცინაციის მოწინააღმდეგეებს. ასეთი პოზიციების გამო, 2017 წელს ასზე მეტმა ექიმმა მის წინააღმდეგ შეადგინა პეტიცია, რომელშიც ის სახიფათო გამოსვლების გამო გაკიცხეს. როგორც Le Monde-ი აღნიშნავს, COVID-19-ის შესახებ მონტანიეს მიერ გამოთქმული მოსაზრების კომენტირებისთვის გამოცემა მრავალ ექსპერტს დაუკავშირდა, თუმცა უმეტესმა მათგანმა მის „აბსურდზე“ კომენტარის გაკეთებაც არ ისურვა, რადგან ამის ღირსადაც არ ჩათვალეს.





ავტორი: ექსპრესნიუსი,


სოციალური ქსელები
ქართული ოცნება უნგრეთში საპარლამენტო არჩევნებს დააკვირდება
მიხეილ ყაველაშვილი საქართველოში ჩინეთის ელჩს შეხვდა
საქართველოს ბანკის პარტნიორმა კომპანია აგროტექნომ ქართულ ბაზარზე ახალი ბრენდი - Weitai შემოიყვანა
ცოფის შემთხვევის დაფიქსირების გამო, წალკაში კარანტინი გამოცხადდა
რედაქტორის რჩევით

ომი უკრაინაში

ვიდეო/LIVE

პატრიარქის ილია მეორის დაკრძალვა - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics