ცენტრ „ემპათია“-ს ხელმძღვანელი, მარიამ ჯიშკარიანი გორის სამხედრო ჰოსპიტალში, საქართველოს მესამე პრეზიდენტის, მიხეილ სააკაშვილის მონსანახულებლად ჩავიდა. მისი განცხადებით, ექსპრეზიდენტის წამების ფაქტების დოკუმენტაციას, სახალხო დამცველის მიერ გასაჯაროვებული დასკვნისაგან განსხვავებული, სხვა სახის ექსპერტიზა ესაჭიროება.

მისივე თქმით, პაციენტისთვის მისი დიაგნოზებიდან ყველაზე საშიში, ამ დროისთვის, ვერნიკეს ენცეფალოპათიაა, რომლსაც შესაბამისი მკურნალობისა და რეაბილიტაციის გარეშე, პაციენტის ინვალიდიზაცია შეუძლია.

„დღეს ჩამოვედით, რათა დამატებით შევისწავლოთ დოკუმენტაცია და გავეცნოთ მის ჯანმრთელობის მდგომარეობას. დასკვნა მოცულობითია და ამ დროისთვის, იგი მზადდება. ჩვენ გვაინტერესებს, რა კვლევები იყო ჩატარებული, რათა მასაც გავეცნოთ. რაც შეეხება სახალხო დამცველის ექსპერტების დასკვნას, მის ზოგიერთ ნაწილს ვიზიარებთ, ზოგიერთი ნაწილი კი, ჩვენ დასკვნაში უფრო დეტალურად იქნება გაწერილი. ჩვენ მათ პროფესიონალიზმში ეჭვი, რა თქმა უნდა, არ შეგვაქვს, თუმცა წამების ფაქტების დოკუმენტირებას სხვა ექსპერტიზა სჭირდება.

პრეზიდენტის ყველა დიაგნოზიდან, ყველაზე საშიშია ვერნიკეს ენცეფალოპათია - თავის ტვინის ორგანული დაზიანება, რომელსაც მკურნალობა და რეაბილიტაცია სჭირდება. წინააღმდეგ შემთხვევაში, გამოიწვევს პაციენტის ინვალიდიზაციას. ჩვენ რუსთავის მეთორმეტე დაწესებულებაში მკურნალობა შეუძლებლად მიგვაჩნია. აუცილებელია კეთილგანწყობილი გარემო იმისათვის, რომ მისი მკურნალობა ეფექტური იყოს“, - აღნიშნა მარიამ ჯიშკარიანმა.

ავტორი: ექსპრესნიუსი,

სოციალური ქსელები

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი

დიუშენის დაავადების მქონე ბავშვების მშობლები: „გადავარჩინოთ ჩვენი შვილები“