19 აპრილის შეთანხმებაზე ხელმომწერი ოპოზიციის წარმომადგენლები ევროპული საბჭოს პრეზიდენტ შარლ მიშელს, ევროკავშირის საგარეო საქმეთა და უსაფრთხოების პოლიტიკის უმაღლეს წარმომადგენელ ჯოზეფ ბორელსა და ევროკომისარს სამეზობლო და გაფართოების საკითხებში ოლივერ ვარჰელს მიმართავენ და ქვეყანაში ბოლო დროს განვითარებულ პოლიტიკურ მოვლენებთან დაკავშირებით შეშფოთებას უზიარებენ.

შვიდპუნქტიან წერილში ყურადღება გამახვილებულია ქართული ოცნების მიერ 19 აპრილის შეთანხმების ანულირებაზე, სასამართლო სისტემის რეფორმის შეფერხებაზე, ექსპრეზიდენტ მიხეილ სააკაშვილის, ნიკა მელიას, მამუკა ხაზარაძის, ბადრი ჯაფარიძის მიმართ მიმდინარე საქმეებსა და სხვა საკითხებზე.

"კვლავ გრძელდება სისხლის სამართლებრივი დევნა ოპოზიციის ლიდერების, მათ შორის ნაციონალური მოძრაობის თავმჯდომარის, ნიკა მელიას, პარტია ლელოს ლიდერების ბადრი ჯაფარიძისა და მამუკა ხაზარაძის მიმართ.

სასამართლო რეფორმის პროგრესის ნაკლებობის გამო, საქართველომ ევროკავშირის მაკროფინანსური დახმარების პაკეტი დაკარგა. მთავრობამ კი განაცხადა, თითქოს დახმარების პაკეტის მიღებაზე უარი უარი თვითონ თქვა", — წერენ ოპოზიციური პარტიის წარმომადგენლები.

ამასთან, წერილში ნახსენებია ხელისუფლების წარმომადგენლების აგრესიული რიტორიკა საქართველოს ევროპელი მეგობრებისა და პარტნიორების კრიტიკასთან დაკავშირებით. ოპოზიციის წარმომადგენლები, ასევე, აღნიშნავენ, რომ მიმდინარე წლის ნოემბერში იუსტიციის სამინისტრომ ევროპარლამენტარ ანა ფოტიგასა და მის კოლეგას ლიეტუვის სეიმიდან, რაიმონდას ლოპოტას ციხეში მიხეილ სააკაშვილის მონახულებაზე უარი უთხრა, რომელთა მიზანი გლდანის ციხეში მოშიმშილე მიხეილ სააკაშვილის პატიმრობის პირობების შეფასება იყო.

"გაჩერებულია საკონსტიტუციო რეფორმა, რომელიც 19 აპრილის შეთანხმების საკვანძო პუნქტია. სექტემბერში მმართველი პარტიისა და ოპოზიციის მიერ საკონსტიტუციო ცვლილებების კანონპროექტისთვის პირველი მოსმენით მხარდაჭერა პოლიტიკური კონსესუსის უპრეცედენტო მაგალითია. ახლა კი უკვე მიღებულ პროექტში შესაძლო ცვლილებების შეტანის თაობაზე დისკუსიები განაახლეს. შინაარსის გადასინჯვა საქართველოსთვის კიდევ ერთი უკანგადადგმული ნაბიჯი იქნება და შესაძლოა მორიგი პოლიტიკური კრიზისის გამომწვევიც კი იყოს", — ვკითხულობთ წერილში.

ხელმომწერების განცხადებით, ქართული ოცნების ეს გადაწყვეტილებები ევროკავშირ-საქართველოს ორმხრივ ურთიერთობებს მნიშვნელოვან ზიანს აყენებს და ძირი ეთხრება ქართველი ხალხის ისტორიულ არჩევანს მისი ევროპული მომავალი განიმტკიცოს.

ოპოზიციის წარმომადგენლები იმედს გამოთქვამენ, რომ EAP-ის მომავალ სამიტზე ევროკავშირი გამოიყენებს როგორც შესაძლებლობას საქართველოს მთავრობას ევროკავშირის წინაშე აღებული ვალდებულებები შეახსენოს.

ხელმომწერები არიან:

• ხატია დეკანოიძე — ნაციონალური მოძრაობა;
• ბადრი ჯაფარიძე — ლელო;
• ზურაბ გირჩი ჯაფარიძე — გირჩი — მეტი თავისუფლება;
• სალომე სამადაშვილი;
• ხათუნა სამნიძე — რესპუბლიკური პარტია;
• გრიგოლ ვაშაძე;
• გიორგი ვაშაძე;
• იაგო ხვიჩია — გირჩი.

ავტორი: ექსპრესნიუსი,

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი