საქართველოს მესამე პრეზიდენტის ადვოკატის ბექა ბასილაიას განცხადებით, მიხეილ სააკაშვილს სატელეფონო ზარების განხორციელების უფლება, უკვე მესამედ შეუზღუდეს.

მისი განცხადებით, ხელისუფლებას ეშინია, რომ ქვეყნის მესამე პრეზიდენტმა, რომელიმე ტელევიზიასთან სატელეფონო კავშირის დამყარების საფუძველზე, პირდაპირ არ მიმართოს, არ ესაუბროს ქართველ ხალხს.

„სასამართლო პროცესზე, კიდევ ერთხელ დადასტურდა, რომ ხელისუფლების პანიკური შიში გრძელდება. უკვე, სამ გზის შეუზღუდეს მიხეილ სააკაშვილს სატელეფონო ზარების უფლება და ეს რატომ ხდება, რომ მათ ეშინიათ, აქვთ ძრწოლა, რომ რომელიმე თქვენგანის ეთერში არ დარეკოს მიხეილ სააკაშვილმა და პირდაპირ არ ისაუბროს ქართველ ხალხთან, მაყურებელთან, თქვენ მსმენელებთან და ა.შ. ამას ის საფუძველი რაც დაუდეს იყო, რომ მიხეილ სააკაშვილი პატიმრობაში იმყოფება, რის გამოც არ უნდა ჰქონდეს სატელეფონო ზარების უფლებაო. ამ საქმეზე მიხეილ სააკაშვილს აღკვეთის ღონისძიება შეფარდებული არ აქვს. ყალბი ინფორმაციის საფუძველზე უზღუდავენ მას უფლებებს“, - განაცხადა ადვოკატმა.

ავტორი: ექსპრესნიუსი,

სოციალური ქსელები

მიგრაციის დეპარტამენტის თანამშრომლებმა უცხო ქვეყნის 91 მოქალაქე საქართველოდან გააძევეს

ბრალდებულმა ორი პირი ლიმონკით ააფეთქა, ერთი ადგილზე გარდაიცვალა, მეორე მძიმე მდგომარეობაში კლინიკაშია მოთავსებული

მეტროსადგური „თავისუფლების მოედანი” დროებით ვერ ემსახურება მგზავრებს

დამოუკიდებელი საქართველოს პირველი მთავრობის წევრი, აქტზე ხელმომწერი ნემო ბურჭულაძე გარდაიცვალა