მე ვარ ამ საქმის სპეციალისტი, შემიძლია გითხრათ, რომ 2%-იანი ბარიერი - 2 % ან უფრო დაბალი მოქმედებს ევროკავშირის წევრ მხოლოდ ორ ქვეყანაში, - ასე გამოეხმაურა "ქართული ოცნების" თავმჯდომარე ირაკლი კობახიძე საქართველოში აშშ-ის ელჩის, კელი დეგნანი განცხადებას საკონსტიტუციო ცვლილებებთან დაკავშირებით.

მისივე თქმით, პლურალიზმსა და მრავალფეროვნებას, საქართველოში უზრუნველყოფს სწორედ პროპორციული საარჩევნო სისტემა, რომელიც "ქართულმა ოცნებამ" დანერგა.

„მე ვარ ამ საქმის სპეციალისტი, უშუალოდ ამ სფეროს სპეციალისტი, რასაც ჰქვია კონსტიტუციური სამართალი და შემიძლია გითხრათ, რომ 2%-იანი ბარიერი ან უფრო დაბალი მოქმედებს ევროკავშირის მხოლოდ ორ ქვეყანაში და სხვა არცერთ ამ ქვეყანაში არ ყალიბდება ტირანია, ამას გეუბნებით როგორც ექსპერტი. რა თქმა უნდა, ქალბატონი კელი არ არის ექსპერტი. რაც შეეხება მრავალფეროვნება, ამას უზრუნველყოფს სწორედ პრპორციული სისტემა, რომელიც ამოქმედდება 2024 წელს. რაც შეეხება პლურალიზმს და მრავალფეროვნებას, ამას უზრუნველყოფს სწორედ პროპორციული საარჩევნო სისტემა, რომელიც პირველად საქართველოში დანერგა ქართულმა ოცნებამ და ეს სისტემა ამოქმედდება 2024 წლიდან, რომელიც არის სრულ შესაბამისობაში საუკეთესო ევროპულ პრაქტიკასთან. ევროკავშირის წევრი ქვეყნების უმეტესობაში, სადაც დადგენილია პროპორციული საარჩევნო სისტემა, მოქმედებს სწორედ 5%-იანი საარჩევნო ბარიერი", - ამბობს კობახიძე.

ცნობისთვის, საქართველოში აშშ-ის ელჩმა, კელი დეგნანმა განაცხადა, რომ დემოკრატია მოსაზრებათა მრავალფეროვნებას მოითხოვს. მხოლოდ ერთპარტიული მმართველობა რისკის ქვეშ აყენებს დემოკრატიის პრინციპს. მისი თქმით, 5%-იანი ბარიერის დატოვება არ არის გზა უფრო მეტი მრავალფეროვნებისკენ პარლამენტში.

ავტორი: ექსპრესნიუსი,

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი