საქართველოს მესამე პრეზიდენტის, მიხეილ სააკაშვილის მოსანახულებლად გორის სამხედრო ჰოსპიტალში წამების მსხვერპლთა რეაბილიტაციის ცენტრ „ემპათიას“ ექიმთა ჯგუფი მივიდა.

"ჩვენ მოვედით მიხეილ სააკაშვილის სამედიცინო შემოწმების მიზნით და ვნახავთ, შეგვიშვებენ თუ არა. გვაქვს წერილები პენიტენციური სამსახურიდან და შეგვიშვებენ თუ არა ვნახავთ. ცენტრი "ემპათია" დიდი ხანია ჩართულია სამედიცინო შემოწმებაში, მიმდინარეობს ექსპერტიზა, გაცემულია ორი დასკვნა, რაც შეეხება ექსპერტებს, ეს მულტიფუნქციური ჯგუფია", – განაცხადა მარიამ ჯიშკარიანმა.

ამასთანავე, მან კომენტარი გააკეთა მიხეილ სააკაშვილის 29 ნოემბერს, სასამართლო სხდომაზე გადაყვანასთან დაკავშირებით და აღნიშნა, რომ აღნიშნულ საკითხს ექსპერტები არ წყვეტენ. 

"რაც შეეხება ექსპერტთა ჯგუფის რეკომენდაციას სასამართლოში წაყვანა-არწაყვანასთან დაკავშირებით, ჩვენ ამას არ ვწყვეტთ, ეს არის ადამიანის უფლება სასამართლოში მიიღოს მონაწილეობა და თუკი მას აქვს გაცნობიერებული გადაწყვეტილების მიღების უნარი, არავის არ აქვს უფლება, მათ შორის არც ექიმს, შეზღუდოს მისი ეს უფლება“, - განაცხადა მარიამ ჯიშკარიანმა.

ავტორი: ექსპრესნიუსი,

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი