ზუგდიდის 2022 წლის ბიუჯეტი 2017 წლის მოწვევის საკრებულომ დაამტკიცა. საკრებულოს სხდომას მხოლოდ უმრავლესობის წარმომადგენლები ესწრებოდნენ.

"ბიუჯეტი გაიზარდა და განისაზღვრა 47 მილიონ 200 ათასით. ყველა პრიორიტეტი ადეკვატურად არის ჩვენი შესაძლებლობიდან გამომდიანარე ფინანსურად უზრუნველყოფილი. რაც შეეხება ხელფაებს საჯარო სექტორში როგორც ემრიაში ასევე საკრებულოში კანონმდებლობის შესაბამისად იზრდება ხელფასები. ოპოზიციას არც გადანაწილება არ აინტერსებთ, ერთადერთი მიზანი არის კრიზისის შემოტანა და დესტაბილიზაცია. ვერავინ ვერ იტყვის, რომ არალეგიტიმურია რომელიმე გადაწყვეტილება. წითლიძეს ბიუჯეტი კრიზისის მექანიზმად ესახება" - ამბობს ზუგდიდის მერი მამუკა წოწერია.

ფინანსური დოკუმენტის დამტკიცების პროცესს არ ესწრებოდნენ ოპოზიციის წარმომადგენლები. თავდაპირველად სხდომათა დარბაზში შესვლა "ენმ"-ის წარმომადგენლებმა შეძლეს, თუმცა მოგვიანებით დაპირისპირება დაიწყო, 

სამართალდამცველებმა სხდომათა დარბაზში შესულ ოპოზიციონერებს შენობა ძალის გამოყენებით დაატოვებინეს. ანი წითლიძის განცხადებით, გაყვანის დროს მას პოლიციელებმა თითი მოტეხეს.

პარარელურად, შენობის წინ საპროტესტო აქცია გრძელდება. ცოტა ხნის წინ, პოლიციამ აქციის ორი მონაწილე ტერიტორიიდან გაიყვანა და ძალის გამოყენებით ჩასვა მანქანაში. ჯერჯერობით უცნობია, დააკავეს ისინი თუ არა.

ავტორი: ექსპრესნიუსი,

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი