ექიმი ნიკოლოზ ყიფშიძე აცხადებს, რომ საქართველოს ყოფილი პრეზიდენტის მიხეილ სააკაშვილის სრული იზოლაცია ძალიან ცუდია მისი ჯანმრთელობისთვის.

როგორც ნიკოლოზ ყიფშიძემ განაცხადა, მიხეილ სააკაშვილი კიდევ ერთხელ თქვა, რომ ის ნამდვილად შეწყვეტს მკურნალობას ხვალ დილიდან, თუ არ შეუშვებენ დეპუტატებს, რაც კატასტროფა იქნება.

„გეტყვით, რომ სრული იზოლაციაც ძალინ ცუდია მის ჯანმრთელობისთვის. რაღაც ბალანსი უნდა იყოს. მას ახლა ნახულობენ ექიმები, მაგრამ ის ადამიანები, ვისი ნახვაც უნდა, ვისთანაც უნდა ლაპარაკი, ის პრაქტიკულად ვერავის ხედავს. მე არ ვიქნები წინააღმდეგი, რომ ერთმა, ორმა ან სამმა დეპუტატმა ნახოს, რადგან ადვოკატი ადვოკატია, პირადი ექიმი ექიმია და ოჯახის წევრი ოჯახის წევრია. რასაკვირველია, ეს ძალიან კარგია, რომ შესაძლებლობა აქვს, ნახოს ეს ხალხი, მაგრამ ურთიერთობა ხომ უნდა ადამიანებთან“, – განაცხადა ყიფშიძემ.

მისივე თქმით, მიხეილ სააკაშვილის ჯანმრთელობის მდგომარეობა გუშინდელის შემდეგ არ შეცვლილა, რეფიდინგი, პოსტშიმშილობის რეაბილიტაციის პროცესი კარგად მიდის.

„ნეიროფსიქოლოგების კონსულტაცია არის აუცილებელია, მაგრამ ცენტრი „ემპათიას“ წარმომადგენლები ვერაფრით ვერ მოხვდნენ ჰოსპიტალში, იმედია, ხვალ მაინც შეძლებენ“, – განაცხადა ყიფშიძემ.

ავტორი: ექსპრესნიუსი,

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი