საპარალამენტო არჩევნებში გამარჯვებული ​სოციალურ-დემოკრატიული პარტიის ლიდერი ოლაფ შოლცი გერმანიის ახალი კანცლერი იქნება.  კოალიციური შეთანხმება დიდწილად ქვეყნის მწვანე ეკონომიკაზე გადასვლას ითვალისწინებს. როგორც მედია წერს, მხარეები მიზნად ისახავენ ნახშირის მოხმარების ეტაპობრივად შეწყვეტას 2030 წელს, ვადაზე რვა წლით ადრე. ისინი ასევე შეეცდებიან, გამოიყენონ გერმანიის ტერიტორიის 2 პროცენტი ქარის ენერგიისთვის და ყურადღება გაამახვილონ წყალბადზე დაფუძნებულ ენერგიაზე.

პრესკონფერენციაზე ოლაფ შოლცმა თქვა, რომ გერმანიის საგარეო პოლიტიკის საფუძველი ევროპის სუვერენიტეტია. მან ასევე ხაზი გაუსვა საფრანგეთთან და აშშ-სთან პარტნიორობის მნიშვნელობას.

საბინაო კრიზისთან საბრძოლველად კოალიცია მიზნად ისახავს ყოველწლიურად 400 000 ახალი ბინის აშენებას. შეთანხმება ითვალისწინებს საარჩევნო მინიმალური ასაკის 16 წლამდე დაწევას და კვალიფიციური მუშახელის მოსაზიდად ქულებზე დაფუძნებული საიმიგრაციო სისტემის ამოქმედებას.

ასევე, იგეგმება კანაფის რეალიზაციის ლეგალიზება ლიცენზირებულ ობიექტებში, ნარკოტიკის ხარისხისა და განაწილების კონტროლით. პორტფელები ასე გადანაწილდება: „სოციალ-დემოკრატები“ კანცლერის, შინაგან საქმეთა და თავდაცვის მინისტრების, მშენებლობისა და საბინაო მინისტრის, შრომისა და სოციალური პოლიტიკის მინისტრის, ჯანდაცვის მინისტრის და ეკონომიკური თანამშრომლობის მინისტრის პორტფელებს მიიღებენ.

„მწვანეები“ უხელმძღვანელებენ ეკონომიკისა და კლიმატის სამინისტროს, საგარეო საქმეთა სამინისტროს, ოჯახის სამინისტროს. „თავისუფალი დემოკრატები“ უხელმძღვანელებენ ფინანსთა, იუსტიციის, ტრანსპორტის და განათლებისა და კვლევის სამინისტროებს, სოფლის მეურნეობის და გარემოს დაცვის სამინისტროს.

ავტორი: ექსპრესნიუსი,

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა