აფხაზური მედიის ინფორმაციით, აფხაზეთის დე-ფაქტო დეპუტატები თურქ პარლამენტარებს შეხვდნენ, სადაც შეხვედრები გამართეს ჩერქეზ და აფხაზ დიასპორის წარმომადგენლებთან.

საქართველოს საგარეო საქმეთა სამინისტროს ცნობით, დე-ფაქტო პარლამენტის წევრები თურქეთში რუსული პასპორტებით ჩავიდნენ.

"თურქეთი მტკიცედ უჭერს მხარს საქართველოს სუვერენიტეტსა და ტერიტორიულ მთლიანობას საერთაშორისოდ აღიარებულ საზღვრებში. თურქეთის მთავრობა განუხრელად ატარებს საქართველოს ოკუპირებული ტერიტორიების არაღიარების პოლიტიკას. სოხუმის საოკუპაციო რეჟიმის ე.წ. დეპუტატები რუსული პასპორტებით ეწვივნენ თურქეთის რესპუბლიკას და კერძო ხასიათის შეხვედრები გამართეს თურქეთში არსებულ ჩერქეზული დიასპორის წარმომადგენლებთან და ეთნიკურ აფხაზებთან.''-ოფიციალურ განცხადებას საგარეო საქმეთა სამინისტროს პრეს. ცენტრი ავრცელებს

მათივე თქმით ამ ტიპის შეხვედრები თურქეთისთვის ვერ ჩაითლება ოფიციალურ კომუნიკაციად, რადგან ისინი მხარს უჭერენ საერთაშორისო არენაზე არაღიარების პოლიტიკას.

დე-ფაქტო პარლამენტის წევრის ასტამურ ლოგუას განცხადებით, ისინი თურქული პარლამენტის კონკრეტულ წარმომადგენლებს შეხვდნენ და ზოგადი ინიციატივები განიხილეს "გვქონდა შეხვედრები არა მხოლოდ აფხაზური წარმოშობის დეპუტატებთან, არამედ თურქეთის პარლამენტის სხვა დეპუტატებთანაც. კოლეგებთან ერთად ჩვენ განვიხილეთ მთელი რიგი ერთობლივი ინიციატივები, ღვთის ნებით, უკვე ახალ წელს თურქეთის პარლამენტის დიდი დელეგაცია ესტუმრება აფხაზეთს და ჩვენ გავაგრძელებთ ჩვენს კონტაქტებს. დიახ, ჩვენ არ შევხვედრილვათ მთელ პარლამენტს, თუმცა თურქი დეპუტატების რაღაც რაოდენობა პირველად შეხვდა აფხაზ კოლეგებს" – საუბრობს ლოგუა ასევე მისი თქმით მთავარი ინიციატივა, რაც განხილვაში იყო თურქეთთან საზღვაო მიმოსვლის გახსნაა "ძალიან დიდი იმედი გვაქვს, რომ 2022 წელი გახდება გარღვევა როგორც მსოფლიოსთან ასევე თურქეთის რესპუბლიკასთან თანამშრომლობის" – თქვა ლოგუამ. შეგახსენებთ, რომ Sputnik Abkhazia-ს მიხედვით აფხაზეთის დე-ფაქტო პარლამენტის დელეგაცია თურქეთში 14-იდან 19 ნოემბრამდე იმყოფებოდა.

ავტორი: ექსპრესნიუსი,

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი