აშშ-ს პრეზიდენტმა ჯო ბაიდენმა განაცხადა, რომ აპირებს მონაწილეობა მიიღოს 2024 წლის საპრეზიდენტო არჩევნებში, - ამის შესახებ, მოქმედმა პრეზიდენტმა "დემოკრატიული პარტიისთვის" გამართულ ფონდის შეგროვების ღონისძიებაზე განაცხადა.

"მისგან მხოლოდ ის გავიგე, რომ ის კვლავ აპირებს კენჭისყრას", - განუცხადა The Washington Post-ს აშშ-ის პრეზიდენტის მეგობარმა, კონექტიკუტის ყოფილმა დემოკრატმა სენატორმა კრის დოდმა.

გამოცემა აღნიშნავს, რომ ბევრი დემოკრატი სკეპტიკურად უყურებს ბაიდენის მეორე ვადით წარდგენას. ეს გამოწვეულია პრეზიდენტის ასაკით (ამჟამად 79 წლისაა) და მისი რეიტინგის მუდმივი ვარდნით. ნოემბრის შუა რიცხვებისთვის ამერიკელებს შორის მისი მხარდაჭერა დაეცა ყველაზე დაბალ 41%-მდე. ბაიდენის პრეზიდენტობის პირველ ცხრა თვეში ბაიდენის მოწონების რეიტინგი მეორე მსოფლიო ომის შემდეგ აშშ-ს ნებისმიერ სხვა პრეზიდენტზე მეტად შემცირდა. - ციტირებს The Washington Post

​„როგორი იქნება მისი ჯანმრთელობა მომდევნო სამი წლის განმავლობაში? საკმარისია გადახედოთ ამერიკაში სიკვდილიანობის სტატისტიკას, რომ გაიგოთ რაზე ვსაუბრობ, ”- განუცხადა WP-ს ბაიდენის ერთ-ერთმა უმსხვილესმა სპონსორმა, ფლორიდაში მცხოვრებმა ადვოკატმა ჯონ მორგანმა.

19 ნოემბერს ჯო ბაიდენმა უფლებამოსილება გადასცა ვიცე-პრეზიდენტ კამალა ჰარისს 85 წუთის განმავლობაში, სანამ მას რუტინული კოლონოსკოპია გაუკეთდა ზოგადი ანესთეზიის ქვეშ. The Hill აღნიშნავს, რომ აშშ-ს ყოფილმა პრეზიდენტმა დონალდ ტრამპმა 2019 წელს მსგავსი პროცედურის დროს უარი თქვა ანესთეზიაზე, რადგან არ სურდა უფლებამოსილების გადაცემა ვიცე-პრეზიდენტ მაიკ პენსისთვის.

ავტორი: ექსპრესნიუსი,

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა