ბიძინა ივანიშვილმა ბერმუდის სასამართლოში ჩვენება თარჯიმნის მეშვეობით, საქართველოდან, ვებ-ლინკის გამოყენებით მისცა, - აღნიშნულის შესახებ გამოცემა Bloomberg-ი წერს .

გამოცემის ცნობით, 2019 წლის ბოლოს Bloomberg-თან ინტერვიუს შემდეგ, ეს ბიძინა ივანიშვილის პირველი საჯარო გამოსვლაა.

საქართველოს ყოფილი პრემიერ-მინისტრი ბიძინა ივანიშვილი შპს Credit Suisse Life-ს იმის გამო უჩივის, რომ კომპანიამ ვერ შეძლო თავისი თანამშრომლის დანაშაულის აღმოჩენა, რომელმაც ბიძინა ივანიშვილს 400 მილიონი დოლარი დააკარგვინა.

„ბერმუნდის საქმე საკვანძოა, რადგან მას შეუძლია გზა გაუხსნას სხვებს სინაგუპირსა და ახალ ზელანდიაში, სადაც ივანიშვილმა ასევე უჩივლა Credit Suisse-ს, რადგან, ადვოკატის განცხადებით, ბიძინა ივანიშვილმა დაკარგა ბანკში ჩადებული თანხის თითქმის ნახევარი“, - წერს გამოცემა.

 საქართველოს ყოფილმა პრემიერ-მინისტრმა და პარტია "ქართული ოცნების" დამფუძნებელმა ბიძინა ივანიშვილმა, რომლის ქონებაც $6 მილიარდს აღემატება, Credit Suisse-ს ოთხი წლის წინ უჩივლა. მან ბანკის დაზღვევის პროდუქტებში $755 მილიონის მოცულობის დეპოზიტი განათავსა. 2015 წელს ივანიშვილმა აღმოაჩინა, რომ სადაზღვევო სქემიდან პატრიკ ლესკადრონის მიერ განხორციელებული თაღლითურ ოპერაციების გამო, $400 მილიონი გაქრა. 

ლესკადრონმა 2020 წელს თავი მოიკლა. ბანკი ამტკიცებს, რომ ის მარტო მოქმედებდა და დანაშაულს კოლეგებსა და უფროსებს უმალავდა. 

16 ნოემბრის სასამართლო პროცესზე ბანკის ადვოკატმა აღნიშნა, რომ მომხდარზე პასუხისმგებლობა ივანიშვილსაც ეკისრება.

ავტორი: ექსპრესნიუსი,

სოციალური ქსელები

აბუ-დაბიში დაიწყო აშშ-უკრაინა-რუსეთის მოლაპარაკებების მორიგი რაუნდი

პაპუაშვილი – ბრიუსელი ცდილობს, დაბლოკოს საქართველოს ორმხრივი ურთიერთობები ევროკავშირის წევრ ქვეყნებთან

მხოლოდ 12 ნოემბერს, შეიძინე საბურავები „თეგეტა მოტორსში“ თიბისი განაწილებით და დაიბრუნე თანხის 50%

ბაზისბანკი ახალგაზრდა ტალანტების მხარდაჭერას განაგრძობს, UNI4VERSE – FINEDU-ს გამარჯვებული გუნდი Web Summit-ზე გაემგზავრება