აჭარის რეგიონში ვაქცინაციის მარათონისა და სოფლად ვაქცინაციის ფარგლებში, აქტიურად მიმდინარეობს როგორც საინფორმაციო შეხვედრები სამიზნე ჯგუფებთან, ასევე თემის სამედიცინო პუნქტებსა და რეგიონის ყველა ამბულატორიაში, კოვიდსაწინააღმდეგო იმუნიზაციის პროცესი. ინფორმაციას აჭარის ჯანდაცვის სამინისტროს პრესსამსახური ავრცელებს.

მათივე ცნობით, ქობულეთის მუნეციპალიტეტში, გვარას საჯარო სკოლის ადმინისტრაციასთან, პედაგოგებთან და მშობლებთან, საინფორმაციო შეხვედრა გამართა დაავადებათა კონტროლის ეროვნული ცენტრის აჭარის სამმართველოს უფროსმა, ნინო გუგუშვილმა.

,,უშუალო შეხვედრებით, პირისპირ კომუნიკაციებით, უფრო მეტი კითხვა წარმოიშობა და დაისმება, რომლებზე პასუხს მოქალაქე შესაძლებელია ვერ ღებულობდეს სოციალური ქსელებიდან თუ საინფორმაციო საშუალებებიდან. ამიტომ ასეთი კამპანიები ძალიან მნიშვნელოვანი და ეფექტურია. ვფიქრობთ, მსგავსი შეხვედრები ძალიან დაეხმარება ვაქცინაციის პროცესის კიდევ უფრო წინ წაწევას“ - აღნიშნა შეხვედრის დასასრულს, ნინო გუგუშვილმა.

ჩაისუბნის ამბულატორიის ექიმი მურმან აბაშიძე, აღნიშნავს რომ ,,ვაქცინაციის სერვისი რაც სოფლად გადმოვიდა, მოსახლეობა გააქტიურდა, რადგან აქაური მაცხოვრებელი დარეგისტრირდებოდა სხვა მუნიციპალიტეტში, ან რომელიმე საავადმყოფოში და მისვლის პრობლემა იდგა, ჯანმრთელობის მდგომარეობის გამო პაციენტებს ხშირად არ შეეძლოთ გადაადგილება, ახლა ამ სერვისის მიღება ადგილზე შეუძლიათ. თავის მხვრივ მოსახლეობამაც გაითავისა, რომ აცრები აუცილებელია ჯანმრთელობის შესანარჩუნებლად და ეს ძალიან სასიხარულოა“.

სერვისის მიღება აჭარის რეგიონის ყველა მუნიციპალიტეტის ამბულატორიებშია შესაძლებელი და ადმინისტრირდება ფაიზერის, სინოფარმისა და სინოვაკის ვაქცინები.

ამ დროისთვის აჭარაში სულ 214 400 ვაქცინაა ადმინისტრირებული.

ავტორი: NS (სტატია დაფინანსებულია),

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times