მიხეილ სააკაშვილის მხარდამჭერები და სამოქალაქო აქტივისტები  ახალ ორგანიზციას სახელწოდებით - "'მიშას თავისუფლებისთვის" აფუძნებენ.

მათი  განცხადებით, მოძრაობის მთავარი მიზანი საქართველოს ყოფილი პრეზიდენტის პატიმრობიდან გათავისუფლება იქნება. მათი მოძრაობდა დღეს დააფუძნეს და შტაბი მიხეილ სააკაშვილის სახელობის ბიბლიოთეკაში გახსნეს.

მათივე ცნობით, მოძრაობის წევრები ბიძინა ივანიშვილის შუშის სასახლესთან მიხეილ სააკაშვილის პატიმრობას გააპროტესტებენ.

"მთავარი გასაღები იმისთვის, რომ პოლიტიკური კრიზისი განიმუხტოს ქვეყანაში და პოლიტიკური დევნა დასრულდეს, არის მიხეილ სააკაშვილის გათავისუფლება, ამიტომაც ვაარსებთ მოძრაობას მიშას თავისუფლებისთვის, რომლის გარშემოც ვერთიანდებით მოძრაობა საქართველოსთვის, მოძრაობა 20 ივნისი, მოძრაობა თავისუფალი ზონა და ასევე სხვა ორგანიზაციები... ფაქტობრივად ყოველდღიურ რეჟიმში გვექნება სხვადასხვა აქტივობები", - განაცხადა  სამოქალაქო აქტივისტი, ირაკლი ფავლენიშვილი.

შეგახსენებთ, რომ საქართველოს ყოფილმა პრეზიდენტმა მიხეილ სააკაშვილმა 1-ლ ოქტომბერს საკუთარ „ფეისბუქ“ გვერდზე ვიდეო გამოაქვეყნა, სადაც ამბობდა, რომ საქართველოში დაბრუნდა, იგი იმავე საღამოს დააპატიმრეს და რუსთავის მე-12 პენიტენციურ დაწესებულებაში გადაიყვანეს, მან შიმშილობა გამოაცხადა და უკვე მე- 16 დღეა შიმშილობს. 

ავტორი: ექსპრესნიუსი,

სოციალური ქსელები

გორის სამხედრო ჰოსპიტალში მიყვანილი დაჭრილი ჯარისკაცი გარდაიცვალა

მახაშვილი - ევროკომისიის წლიური ანგარიში ჩვენი ქვეყნის შიდა საქმეებში არაპროპორციული ჩარევა და სუვერენიტეტზე პირდაპირი თავდასხმაა

სწრაფი საერთაშორისო გადარიცხვები ბიზნესისთვის - საქართველოს ბანკმა AI-ის დანერგვისთვის Global Finance-ის ჯილდო მიიღო

11-17 ნოემბერს საქართველოს ბანკი და LEAF-ი საერთაშორისო განათლების რეგიონულ ტურს 4 ქალაქში გამართავს