აღარ მინდა პატიმარზე ვილაპარაკო ამდენი, საკმარისია, - ამის შესახებ პრემიერ-მინისტრმა ირაკლი ღარიბაშვილმა საქართველოს მესამე პრეზიდენტთან, მიხეილ სააკაშვილთან დაკავშირებით დასმული კითხვის საპასუხოდ განაცხადა.

„აღარ მინდა პატიმარზე ვილაპარაკო ამდენი, საკმარისია, მე ვფიქრობ, ბევრი განცხადება გაკეთდა, ბევრი ემოციები დავხარჯეთ და ახლა საჭიროა საქმეზე კონცენტრირება“, - განაცხადა პრემიერმა.

მისივე თქმით, მიხეილ სააკაშვილი საქართველოში დესტაბილიზაციისა და მძიმე პროვოკაციების მოწყობის გეგმით ჩამოვიდა, თუმცა ხელისუფლებამ „ეს დიდი განსაცდელი“ აარიდა ქვეყანას.

„პატიმარი სააკაშვილი, რომელიც ჩამოვიდა საქართველოში მხოლოდ და მხოლოდ ერთი მიზნით, რომ მოეხდინა დესტაბილიზაცია, არეულობა, მათ შორის, მძიმე პროვოკაცია, მკვლელობების განხორციელებიც, თუ ისე მოხდებოდა როგორც მას ჰქონდა ჩაფიქრებული. მადლობა ღმერთს, ჩვენ ეს დიდი განსაცდელი და პროვოკაცია ავარიდეთ ქვეყანას და მოსახლეობას“, - დასძინა პრემიერმა.

ავტორი: ექსპრესნიუსი,

სოციალური ქსელები

გორის სამხედრო ჰოსპიტალში მიყვანილი დაჭრილი ჯარისკაცი გარდაიცვალა

მახაშვილი - ევროკომისიის წლიური ანგარიში ჩვენი ქვეყნის შიდა საქმეებში არაპროპორციული ჩარევა და სუვერენიტეტზე პირდაპირი თავდასხმაა

სწრაფი საერთაშორისო გადარიცხვები ბიზნესისთვის - საქართველოს ბანკმა AI-ის დანერგვისთვის Global Finance-ის ჯილდო მიიღო

11-17 ნოემბერს საქართველოს ბანკი და LEAF-ი საერთაშორისო განათლების რეგიონულ ტურს 4 ქალაქში გამართავს