2021-10-01 23:43:27, 768 ნახვა
პოლიტიკა
სააკაშვილი შიმშილობას აცხადებს და უკრაინის კონსულთან შეხვედრას ითხოვს - სახალხო დამცველი
მიხეილ სააკაშვილი ციხეში შიმშილობას აცხადებს - ამის შესახებ სახალხო დამცველმა ნინო ლომჯარიამ რუსთავის მე-12 სასჯელაღსრულების დაწესებულება დატოვების შემდეგ განაცხადა.
ომბუდსმენის ცნობით, მიხეილ სააკაშვილი ასევე ითხოვს უკრაინის კონსულთან შეხვედრას.
"მიხეილ სააკაშვილის თქმით, მას არ გაუწევია წინააღმდეგობა, შესაბამისად, დაკავებისას და არც მის შემდეგ ძალა გამოყენებული არ ყოფილა. აღნიშნავს, რომ მოპყრობა იყო დამაკმაყოფილებელი. ასევე ჯანმრთელობის მიმართებითაც განსაკუთრებული, აუცილებელი საჭიროება არ აქვს. აცხადებს შიმშილობას და ასევე როგორც უკრაინის მოქალაქე, ითხოვს უკრაინის კონსულთან შეხვედრას". – ამბობს ნინო ლომჯარია.
ავტორი: ექსპრესნიუსი,
epn.ge (@expressnews.ge)
