კოვიდსაწინააღმდეგო ვაქცინაცია აჭარის სოფლებსა და თემებში ხელმისაწვდომია

2021-10-01 12:27:45, 1699 ნახვა

რეგიონი

შუახევის მუნიციპალიტეტში ვაქცინაციის პროცესს აჭარის საზოგადოებრივი ჯანდაცვის ცენტრის ხელმძღვანელი, რუსუდან შავიშვილი გაეცნო.

,,შუბანის პირველადი ჯანდაცვის უბანზე, გავეცანი კოვიდსაწინააღმდეგო ვაქცინაციის პროცესს. მიუხედავად ცუდი ამინდისა, მაღალია მოქალაქეთა მომართვიანობა, ინტერესს იჩენს მოსახლეობა აცრების მიმართ, რისთვისაც მადლობას ვუხდი მათ და ეს აქტივობები კვლავ გაგრძელდება ფართო მასშტაბით“ - აღნიშნა რუსუდან შავიშვილმა.

მაღალმთიან სოფლებში მცხოვრებ მოსახლეობას შესაძლებლობა აქვს ადგილზე აიცრან მათთვის სასურველი ვაქცინით: ფაიზერით, სინოვაკით ან სინოფარმით.

რუსუდან შავიშვილმა ასევე, ოლადაურის საექიმო ამბულატორიას სავაქცინე მაცივარი გადასცა, რომელიც დაავადებათა კონტროლისა და საზოგადოებრივი ჯანდაცვის ეროვნული ცენტრის მიერ იქნა გამოყოფილი.

ამ დროისთვის აჭარაში სულ, 208 485 ვაქცინაა ადმინისტრირებული.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,