ტელეკომპანია „ფორმულას“ გენერალური დირექტორი ზუკა გუმბერიძე აცხადებს, რომ არხის დამფუძნებლის, დავით კეზერაშვილის წინააღმდეგ მიმდინარე პროცესი ნათლად აჩენს, რომ ხელისუფლების მთავარ სამიზნეს წარმოადგენენ კრიტიკული მედიები.

გუმბერიძის თქმით, ჩნდება ეჭვი, რომ თუ არჩევნებზე ხელისუფლებისთვის სასურველი შედეგები არ დადგება, ისინი განიხილავენ სცენარს, რომ ერთდროულად მოხდეს სამი კრიტიკული მედიასაშუალების, „მთავარი არხის“, „ფორმულას“ და „ტვ პირველი“ დახურვა.

„ყველა ვხედავთ, რომ ხელისუფლების მთავარ სამიზნეს წარმოადგენენ კრიტიკული მედიები და მათი გაჩუმება. ვიცით, რომ გარდა ამ ქეისისა, ფაქტობრივად ბოლოშია გასული ნიკა გვარამიას ქეისი, დაჩქარებული ტემპებით მიმდინარეობდა ვატო წერეთლის მამის წინააღმდეგ სასამართლო პროცესები, რაც აჩენს ბუნებრივ ეჭვს, რომ თუ არჩევნებზე ხელისუფლებისთვის სასურველი შედეგი არ დადგება, ისინი განიხილავენ სცენარს, რომ ერთდროულად მოხდეს სამივე კრიტიკული მაუწყებლობის გაჩერება, ამისთვის კი ისინი გამოიყენებენ ე.წ სამართლებრივ ბერკეტებს. საქმე გვაქვს იმასთან, რომ ხელისუფლება განიხილავს სცენარს, თუ როგორ შეიძლება წავიდეს ეს ქვეყანა რუსული ტიმიპს მმართველობისკენ, როგორ შეიძლება დაემშვიდობოს ქვეყანა დემოკრტიას, რომლის ჩანასახებიც ჯერ კიდევ არსებობს“, - განაცხადა გუმბერიძემ.

ავტორი: ექსპრესნიუსი,

სოციალური ქსელები

შეერთებულმა შტატებმა პუტინს თანხმობა სთხოვა უკრაინისთვის ნატოს ქარტიის ფარგლებში უსაფრთხოების გარანტიებზე

საქართველოს ბანკი უკვე 10 წელია ლიდერატორის პროგრამით ახალგაზრდებისთვის დასაქმების შესაძლებლობას ქმნის

გორის სამხედრო ჰოსპიტალში მიყვანილი დაჭრილი ჯარისკაცი გარდაიცვალა

მახაშვილი - ევროკომისიის წლიური ანგარიში ჩვენი ქვეყნის შიდა საქმეებში არაპროპორციული ჩარევა და სუვერენიტეტზე პირდაპირი თავდასხმაა