ტელეკომპანია „ფორმულას“ გენერალური დირექტორი ზუკა გუმბარიძე არ გამორიცხავს, რომ არხის დამფუძნებლის, დავით კეზერაშვილის წინააღმდეგ მიმდინარე პროცესები ფორსირებულად განვითარდეს.

გუმბარიძე აღნიშნავს, რომ არაა გამორიცხული, ტელეკომპანიას მაუწყებლობაში ხელი არჩევნებამდეც შეუშალონ.

"ბუნებრივია ამ დავის ერთადერთ საგანს წარმოადგენს "ფორმულა" იმიტომ, რომ დავით კეზერაშვილი სხვა აქტივებს საქართველოში ფაქტიურად არ ფლობს. შესაბამისად, თუ მოხდება უზრუნველყოფის სახით მოთხოვნა მისი ქონების და აქტივების დაყადაღების, ეს ნიშნავს იმას, რომ "ფორმულაში" მისი წილიც დაყადაღდება. ის არის "ფორმულაში" საკონტროლო პაკეტის მფლობელიც, შესაბამისად, სახელმწიფო ფაქტიურად შეძლებს "ფორმულაზე" კონტროლი დაამყაროს. 

ხელისუფლებამ კარგად იცის, რომ 43% ვერ აგროვებს ამ არჩევნებზე. ბუნებრივია ძალიან მნიშვნელოვანი როლი ამ ყველაფერში აქვს იმ ეგზიტპოლებს, რომელიც ჩვენ ზუსტად 8 საათზე უნდა გამოვაცხადოთ 2-ში, "ედისონ რისერჩის" გამოკითხვები, რომლისაც მათ ძალიან ეშინიათ. შესაბამისად, ჩვენ არ გამოვრიცხავთ იმას, რომ არჩევნებამდეც კი რამე ტიპის ხელშეშლა მოხდეს "ფორმულას" მაუწყებლობის და ძალიან ფორსირებულად განვითარდეს მოვლენები», - განაცხადა გუმბარიძემ „მთავარ არხთან“ საუბრისას.

ნობისთვის, თავდაცვის სამინისტროს დავით კეზერაშვილისა და მისი თავდაცვის მინისტრობის დროს სახელმწიფო შესყიდვების დეპარტამენტის უფროსის, ალექსანდრე ნინუას წინააღმდეგ საქალაქო სასამართლოში სარჩელი შეაქვს.

ავტორი: ექსპრესნიუსი,

სოციალური ქსელები

შეერთებულმა შტატებმა პუტინს თანხმობა სთხოვა უკრაინისთვის ნატოს ქარტიის ფარგლებში უსაფრთხოების გარანტიებზე

საქართველოს ბანკი უკვე 10 წელია ლიდერატორის პროგრამით ახალგაზრდებისთვის დასაქმების შესაძლებლობას ქმნის

გორის სამხედრო ჰოსპიტალში მიყვანილი დაჭრილი ჯარისკაცი გარდაიცვალა

მახაშვილი - ევროკომისიის წლიური ანგარიში ჩვენი ქვეყნის შიდა საქმეებში არაპროპორციული ჩარევა და სუვერენიტეტზე პირდაპირი თავდასხმაა