ძალიან გაბრიყვებულია, მოხერხება უნდა, იყო პრემიერ-მინისტრი და გახდე სააკაშვილის მარიონეტი, - ამის შესახებ პრემიერ-მინისტრმა ირაკლი ღარიბაშვილმა ექს-პრემიერზე, გიორგი გახარიაზე საუბრისას განაცხადა.

ღარიბაშვილის თქმით, არსებობს ინფორმაციები, რომ გიორგი გახარიას დიდი ვალი აქვს სააკასვილის მიმართ და აღნიშნული კომპრომატებით მართავს სააკაშვილი გახარიას.

„ძალიან გაბრიყვებულია. ვნახეთ, როგორ დაკარგა საკუთარი სახე, თავი და ყველაფერი დაკარგა. ადრე ვთქვი, რომ მოხერხება უნდა, იყო კაცი პრემიერ-მინისტრი და გახდეს მარიონეტი. სააკაშვილის ბუნებრივი მოკავშირეა გახარია, ეს ძალიან მარტივი წასაკითხია, თავიდან ბოლომდე არის სააკაშვილის თამაშში ჩართული, აღარ მინდა დამატებითი სპეკულაციები, მაგრამ უამრავი ინფორმაციები არსებობს და მარტივად იკითხება, რომ დიდი ვალი აქვს სააკაშვილის მიმართ და ამ კომპრომატებით მართავს ამ გაბრიყვებულ ადამიანს.

თუ ვინმეს იმედები გაუცრუა გახარიამ, ეს არის თავად გიორგი გახარია, მან გაგვიცრუა ჩვენ ყველას იმედი. ეს არის კლასიკური მოღალატე და რა შეიძლება ქართველი კაცისთვის იმაზე დიდი უბედურება, ტრაგედია, როცა შენი გუნდი გეძახის მოღალატეს და სისტემა გეძახის ასევე მოღალატეს“, - განაცხადა ღარიბაშვილმა.

ავტორი: ექსპრესნიუსი,

სოციალური ქსელები

შეერთებულმა შტატებმა პუტინს თანხმობა სთხოვა უკრაინისთვის ნატოს ქარტიის ფარგლებში უსაფრთხოების გარანტიებზე

საქართველოს ბანკი უკვე 10 წელია ლიდერატორის პროგრამით ახალგაზრდებისთვის დასაქმების შესაძლებლობას ქმნის

გორის სამხედრო ჰოსპიტალში მიყვანილი დაჭრილი ჯარისკაცი გარდაიცვალა

მახაშვილი - ევროკომისიის წლიური ანგარიში ჩვენი ქვეყნის შიდა საქმეებში არაპროპორციული ჩარევა და სუვერენიტეტზე პირდაპირი თავდასხმაა