2021-07-16 12:00:09, 844 ნახვა
სამართალი
შსს-ში ადასტურებენ, რომ „თბილისი პრაიდის“ მოწინააღმდეგეთა აქციის ორგანიზატორების ბინებში ჩხრეკა მიმდინარეობს
შინაგან საქმეთა სამინისტროში ადასტურებენ, რომ „თბილისი პრაიდის“ მოწინააღმდეგეთა აქციის ორგანიზატორების ბინებში ჩხრეკა მიმდინარეობს.
როგორც „ექსპრესნიუსს“ შსს-ში განუცხადეს, საგამოძიებო მოქმედებები რამდენიმე მისამართზე ტარდება.
„რამდენიმე ლოკაციაზე საგამოძიებო მოქმედებები უკვე ჩატარდა, ნაწილში კი ამ დრომდე მიმდინარეობს“, - აცხადებენ უწყებაში.
ცნობისთვის, სამართალდამცავებმა გურამ ფალავანდიშვილისა და „ალტ-ინფოს“ დამფუძნებლის, ზურაბ მახარაძის სახლებში ჩხრეკა ჩაატარეს.
ავტორი: ექსპრესნიუსი,
epn.ge (@expressnews.ge)
