აქართველოს ნეონატოლოგთა ასოციაციის ეგიდით, დღეს ბათუმში, სასტუმრო ,,შერატონში“, კონფერენცია - ,,უახლესი მიღწევები ნეონატოლოგიასა და პედიატრიაში“ გაიხსნა.

სამეცნიერო–პრაქტიკული კონფერენცია საქართველოს ნეონატოლოგთა ასოციაციის პრეზიდენტმა, ია დავითაიამ გახსნა, რომელსაც აჭარის ა/რ ჯანმრთელობისა და სოციალური დაცვის მინისტრი ნინო ნიჟარაძე ესწრებოდა.

,,სასიამოვნოა, რომ პანდემიის ფონზე მოგვეცა საშუალება გვეფიქრა ისეთ ღირებულ თემებზე, როგორიცაა ახალშობილის ჯანმრთელობა და სიცოცხლის გადარჩენა. მადლობა ამ შეხვედრისათვის ნეონატოლოგთა ასოციაციას, ვინაიდან რეგიონის ნეონატოლოგებს, პედიატრებს, ოჯახის ექიმებს და ამ სერვისის მიმწოდებლებს მიეწოდებათ უახლესი ინფორმაცია მსოფლიოში გამოქვეყნებული კვლევების საფუძველზე. რაც შეეხება მომდევნო პერიოდს, ზოგადად პრიორიტეტი ჯანდაცვის სისტემისათვის გახლავთ ნამდვილად, ახალშობილის სიცოცხლე და ნეონატალური სერვისების უფრო განვითარება, ამიტომ როგორც პირველადი ჯანდაცვის რეფორმის ნაწილი, ეს არის მსხვილი და ძალიან მნიშვნელოვანი ობიექტი. ჩვენ ვფიქრობთ აჭარის რეგიონში ამ მიმართულების უფრო განვითარებაზე და შესაბამისად, კიდევ ერთხელ გამოვხატავთ მზაობას ასოციაციასთან მჭიდრო თანამშრომლობისათვის“ - აღნიშნა ნინო ნიჟარაძემ სიტყვით მიმართვისას.

კონფერენცია ყოველწლიურად იმართება და მასში მონაწილეობას წამყვანი ნეონატოლოგები, პედიატრები, გინეკოლოგები, ოჯახის ექიმები და სოფლის ექიმები ღებულობენ.

პარალელურად, ფარმაცევტული კომპანიების პროდუქციის გამოფენა გაიმართა.

ავტორი: NS (სტატია დაფინანსებულია),

სოციალური ქსელები

NASA-ს ასტრონავტები დედამიწაზე 50 წელზე მეტი ხნის შემდეგ მთვარის ზედაპირზე პირველი დაშვების შემდეგ დაბრუნდნენ

უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა