2021-07-01 14:16:13, 1441 ნახვა

---

გიორგი გახარია - „ქართულმა ოცნებამ“ როგორც არჩევნების შედეგები ვერ დაიცვა, ისე ვერ დაიცვა ცესკო-ს თავმჯდომარე

„ქართულმა ოცნებამ“ როგორც თავისი უსუსურობით ვერ დაიცვა 2020 წლის არჩევნების შედეგები, ზუსტად ასე ვერ დაიცვა საარჩევნო კომისიის თავმჯდომარე, - ამის შესახებ პარტია „საქართველოსთვის“ თავმჯდომარემ, გიორგი გახარიამ ჟურნალისტებს განუცხადა.

მისივე თქმით, 2020 წლის საპარლამენტო არჩევნები იყო აბსოლუტურად ლეგიტიმური.

„2020 წლის შემოდგომის საპარლამენტო არჩევნები იყო აბსოლუტურად ლეგიტიმური. ეს დაადასტურეს საერთაშორისო დამკვირვებლებმაც, რაც, როგორც ვერ დაიცვა „ქართულმა ოცნებამ“ თავისი უსუსურობით ამ არჩევნების შედეგები, ზუსტად ასე ვერ დაიცვა საარჩევნო კომისიის თავმჯდომარე და დარწმუნებული ვარ, თვითონ შეუწყო ხელი მის გადადგომას“, - განაცხადა გიორგი გახარიამ.

შეგახსენებთ, რომ ცესკო-ს თავმჯდომარემ, თამარ ჟვანიამ თანამდებობის დატოვების შესახებ გუშინ, 30 ივნისს სოციალური ქსელის მეშვეობით განაცხადა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი