2021-06-30 16:26:15, 870 ნახვა

---

ირაკლი კობახიძე - პარტიებს არ აღმოაჩნდათ კაცური ღირსება, ქალური სოლიდარობა, ჟვანიასთვის ბოდიში მოეხადათ

არც ერთ პარტიას, „ენჯეოს“ და მედიას არ აღმოაჩნდა არც კაცური ღირსება და არც ქალური სოლიდარობა, თამარ ჟვანიასთვის ელემენტარული ბოდიში მოეხადა, - ასე ეხმაურება „ქართული ოცნების“ თავმჯდომარე, ირაკლი კობახიძე თამარ ჟვანიას თანამდებობის დატოვების საკითხს.

როგორც კობახიძე სოციალურ ქსელში წერს, ჟვანიას მიმართ არსებული ბარლდებები ვერავინ დაასაბუთა.

„ორი სიტყვით თამარ ჟვანიას გადადგომასთან დაკავშირებით. ცესკოს თავმჯდომარეს, რომელმაც სუფთად ჩაატარა 5 ძირითადი და 10-ზე მეტი შუალედური არჩევნები:

- გაუყალბეს პარალელური ხმის დათვლა (ე.წ. პივიტი);

- გაუყალბეს 8-პროცენტიანი ზედმეტობა;

- გაუყალბეს არჩევნების შედეგების დაგვიანებით გამოცხადება;

- გაუყალბეს არჩევნების გაყალბება...

ამ ყველაფრის გამყალბებელმა პარტიებმა, „ენჯეოებმა“ და მედიამ ვერ დაასაბუთეს ვერცერთი ბრალდება - რაც არ არსებობს, იმას ვერც დაასაბუთებ.

თუმცა, არცერთ პარტიას, „ენჯეოს“ და მედიას არ აღმოაჩნდა არც კაცური ღირსება და არც ქალური სოლიდარობა, თამარ ჟვანიასთვის ელემენტარული ბოდიში მოეხადა“, - წერს კობახიძე.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი