იენს სტოლტენბერგი - ვხედავთ რუსეთის აგრესიულ ქმედებებს საქართველოსა და უკრაინის წინააღმდეგ

2021-06-14 12:20:28, 1057 ნახვა

პოლიტიკა

ჩვენ ვხედავთ რუსეთის აგრესიულ ქმედებებს მეზობელი ქვეყნების, უკრაინისა და საქართველოს წინააღმდეგ, მოწამვლის შემთხვევებს, ასევე კიბერთავდასხმებს, - ამის შესახებ ნატო-ს გენერალურმა მდივანმა, იენს სტოლტენბერგმა, ჩრდილო ატლანტიკური ალიანსის სამიტის გახსნაზე განაცხადა.

მისივე თქმით, აღნიშნული ფაქტები იმის მიზეზია, რამაც გამოიწვია ნატოსა და რუსეთის ურთიერთობების გაუარესება.

ამასთანავე, იენს სტოლტენბერგი აცხადებს, რომ ნატო-რუსეთის ურთიერთობები ყველაზე დაბალ ნიშნულზეა „ცივი ომის“ შემდეგ.

„ჩვენი ურთიერთობები „ცივი ომის“ შემდეგ ყველაზე დაბალ ნიშნულზეა, თუმცა ნატო ადაპტირებს, რეაგირებს და ჩვენ განვამტკიცეთ კოლექტიური თავდაცვა, გავზარდეთ მისი დაფინანსება და ვაგრძელებთ მის გაძლიერებას და ამ ყველაფერს იმ გადაწყვეტილებების საფუძველზე განვახორციელებთ, რასაც დღეს „ნატო 2030“-ის დღის წესრიგში მივიღებთ“, - აღნიშნა იენს სტოლტენბერგმა.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან