2021-06-01 12:08:41, 793 ნახვა

---

ირაკლი კობახიძე - შეხედეთ, რომელი ტელევიზიები აპიარებენ გახარიას და ნახავთ, „ოცნება 2“-ია თუ „სხვა რამე 2“

„ქართული ოცნება - დემოკრატიული საქართველოს“ თავმჯდომარე ირაკლი კობახიძე აცხადებს, რომ პარტია „საქართველოსთვის“ ლიდერის, გიორგი გახარიას ერთადერთი ამოცანაა, რომ „ქართული ოცნება“ თვითმმართველობის არჩევნებში 43%-ს დაუახლოვოს.

როგორც ირაკლი კობახიძე განმარტავს, ეს ამოცანა შესრულებადი არ არის არც ერთი ოპოზიციონერის მხრიდან

„მას აქვს ერთადერთი ამოცანა, რომ რაღაცნაირად მოახერხოს და 43%-ს დაუახლოვოს „ქართული ოცნება“, თუმცა ეს ამოცანა შესრულებადი არ არის, არც მისი და არც რომელიმე სხვა ოპოზიციური პარტიის მხრიდან“, - განაცხადა ირაკლი კობახიძემ.

ჟურნალისტის შეკითხვაზე, არის თუ არა გიორგი გახარია „ქართული ოცნებისა“ და ბიძინა ივანიშვილის პროექტი, ირაკლი კობახიძე აცხადებს, „შეხედეთ, რომელი ტელევიზიები აპიარებენ გახარიას და ნახავთ, ეს არის „ოცნება 2“, თუ „სხვა რამე 2“.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი