ოპოზიციის პოსტ ფაქტუმ მცდელობები, რომ პოლიტიკური ქულები დაიწერონ, ოღონდ თავად არ იციან რაში, თავიდანვე განწირულია, - ამის შესახებ საქართველოს კულტურის მინისტრმა თეა წულუკიანმა „ამნისტიის კანონპროექტზე“ საუბრისას განაცხადა.

თეა წულუკიანი აღნიშნავს, რომ ოპოზიციაში ბევრი არასერიოზული ადამიანია, რომლებმაც შარლ მიშელის დოკუმენტს ჯერ ხელი მოაწერეს, შემდეგ კი აღმოაჩნიეს, რომ ამნისტიის იდეა არ მოსწონთ.

 „ამნისტიის კანონპროექტთან დაკავშირებულმა საპარლამენტო პროცესმა, მე, როგორც აღმასრულებელი ხელისუფლების წევრს კიდევ ერთხელ დამანახა, რომ ჩვენ ოპოზიციაში გვყავს ძალიან ბევრი არასერიოზული ადამიანი, რომლებმაც ასე ჩანს ყოველშემთხვევაში გარედან, რომ ჯერ მოაწერეს შარლ მიშელის დოკუმენტს ხელი და ალბათ წაკითხულიც არ ჰქონდათ და შემდეგ პარლამენტში აღმოაჩინეს, რომ ეს ამისტიის იდეა არ მოსწონთ. ოპოზიციის პოსტ ფაქტუმ მცდელობები, რომ პოლიტიკური ქულები დაიწერონ, ოღონდ თავად არ იციან რაში, ალბათ თავიდანვე არის განწირული. მეტი კვალიფიციურობა, მეტი სერიოზულობა, როცა უკვე ბავშვმაც კი იცის ხოლმე, რომ ხელს რომ რაღაცას აწერ, წინასწარ უნდა წაიკითხო, მაგრამ როგორც ჩანს, მათ ამისთვის არ ეცალათ, როდესაც პოლიტიკურ აჟიოტაჟში იყვნენ“, - განაცხადა თეა წულუკიანმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

გორის სამხედრო ჰოსპიტალში მიყვანილი დაჭრილი ჯარისკაცი გარდაიცვალა

მახაშვილი - ევროკომისიის წლიური ანგარიში ჩვენი ქვეყნის შიდა საქმეებში არაპროპორციული ჩარევა და სუვერენიტეტზე პირდაპირი თავდასხმაა

სწრაფი საერთაშორისო გადარიცხვები ბიზნესისთვის - საქართველოს ბანკმა AI-ის დანერგვისთვის Global Finance-ის ჯილდო მიიღო

11-17 ნოემბერს საქართველოს ბანკი და LEAF-ი საერთაშორისო განათლების რეგიონულ ტურს 4 ქალაქში გამართავს