2021-05-22 13:52:42, 646 ნახვა

---

სალომე სამადაშვილი - პარლამენტის დღის წესრიგი ყველა შემთხვევაში შესრულდება, მიუხედავად „ენმ“-ის გადაწყვეტილებისა

„ნაციონალური მოძრაობა“ რაც უფრო სწრაფად ჩაერთვება საპარლამენტო საქმიანობაში, მით უკეთესი იქნება ამ პარტიისთვის, - ამის შესახებ ოპოზიციონერმა სალომე სამადაშვილმა, ჟურნალისტებთან საუბრისას განაცხადა.

სალომე სამადაშვილის თქმით, საკანონმდებლო ორგანოში ძალიან დატვირთული დღის წესრიგია, რომელიც ყველა შემთხვევაში, მიუხედავად იმისა, შევა თუ არა „ნაციონალური მოძრაობა“ პარლამენტში, შესრულდება.

„გვაქვს ძალიან დატვირთული დღის წესრიგი, იმიტომ რომ ძალიან სასწრაფოდ არის გასატარებელი ის საარჩევნო რეფორმა, რომელიც დღეს სასიცოცხლოდ მნიშვნელოვანია ქვეყნისთვის. ჩემი აზრია, რომ „ნაციონალური მოძრაობა“ რაც უფრო სწრაფად ჩაერთვება ამაში, მით უკეთესი იქნება ამ პარტიისთვის და მისი პოლიტიკური ინტერესებისთვის, თუმცა ჩვენ გვაქვს ჩვენი დღის წესრიგი პარლამენტში და ეს დღის წესრიგი, ყველა შემთხვეევაში შესრულდება, მიუხედავად იმისა, „ნაციონალური მოძრაობა“ რა გადაწყვეტილებას მიიღებს“, - განაცხადა სალომე სამადაშვილმა.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი