2021-05-21 13:13:30, 811 ნახვა

---

კახა კუჭავა - ბიძინა ივანიშვილთან შეხვედრები არ მაქვს, მან დატოვა პოლიტიკა, რაც ზოგისთვის რთული დასაჯერებელია

საქართველოს პარლამენტის თავმჯდომარე კახა კუჭავა აცხადებს, რომ „ქართული ოცნების“ ყოფილ თავმჯდომარე ბიძინა ივანიშვილთან არც პირისპირი და არც სატელეფონო კომუნიკაცია არ აქვს.

როგორც კახა კუჭავამ ბრიუსელში, EURACTIV-თან საუბრისას აღნიშნა, ზოგიერთისთვის დაუჯერებელია, რომ ბიძინა ივანიშვილმა პოლიტიკა დატოვა, თუმცა მისივე თქმით, დროის გასვლასთან ერთად, ამის დაჯერება უფრო მარტივი გახდება.

„ქართული ოცნება“ უკვე ბიძინა ივანიშვილის გარეშეა. ბოლოს მე ის არჩევნებისას, 31 ოქტომბრის საღამოს ვნახე. მე მასთან შეხვედრები არ მაქვს, არც შეტყობინებებს ვუგზავნი, არც ტელეფონზე ვესაუბრები. არ მაქვს კონტაქტი. მან დატოვა პოლიტიკა. ეს შესაძლოა ზოგიერთისთვის დაუჯერებელი იყოს, მაგრამ დროის გასვლასთან ერთად ამის დაჯერება მარტივი იქნება“, - განაცხადა კახა კუჭავამ.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი