კორონავირუსი საწინააღმდეგო ვაქცინების ბაზარზე 2021 წლის ბოლოსთვის შესაძლოა კიდევ ერთი ვაქცინა გამოჩნდეს.

„ევრონიუსი“ წერს, რომ საუბარია ფრანგული ლაბორატორიის მიერ, ბრიტანულ კომპანიასთან თანამშრომლობით შემუშავებულ პრეპარატ „სანოფიზე“.

კლინიკური კვლევის მიხედვით, კორონავირუსის საწინააღმდეგო „სანოფის“ ვაქცინამ ცდის მეორე ფაზაზე დადებითი შედეგები აჩვენა: რეკომბინანტული ცილის ვაქცინამ ანტისხეულები 95-100%-ში, ბოლო დოზის მიღებიდან გამოიმუშავა.

„ევრონიუსი“ წერს, რომ მანამ, სანამ ვაქინა ევროპის წამლის სააგენტოსგან მიიღებს გამოყენების ნებართვას, „სანოფი“ ჩაატარებს დასკვნით, მესამე გამოსაცდელ ეტაპს, რომელშიც მონაწილეობას 35 000 მოხალისე ადამიანი მიიღებს. კერძოდ, ეს საშუალებას მისცემს მკვლევრებს, რომ შეისწავლონ ვაქცინის გავლენის ეფექტურობა კორონავირუსის გარკვეულ შტამებზე.

იმ შემთხვევაში, თუ „სანოფი“ კვლევის მესამე ეტაპს წარმატებით დაასრულებს, მას ევროპის წამლების სააგენტო „მწვანე შუქს“ აუნთებს და მისი გამოყენება დაშვებული იქნება, ისევე როგორც „ფაიზერის“, „მოდერნას“ თუ „ასტრაზენეკას“ კორონავირუსის საწინააღმდეგო ვაქცინების. აღნიშნული ვაქცინის შესაძენად მზადყოფნას გამოთქვამენ ევროკავშირი, აშშ, კანადა და დიდი ბრიტანეთი.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი