„არასწორი ნაბიჯით კომპრომისის მიღწევა არასდროს არის კარგი“, - ამის შესახებ „ევროპული საქართველოს“ ლიდერმა გიგა ბოკერიამ ტელეკომპანია „ფორმულას“ ეთერში განაცხადა.

მან ასევე აღნიშნა, რომ თვითმართველობის არჩევნებით ვადამდელი არჩევნების გადაწვეყტა არის არასწორი ნაბიჯი, რადგან მოსახლეობის დაბნევას გამოიწვევს.

მიბმა არის არასწორი და ამით ამომრჩეველი გაუგებარ არჩევანს იღებს.

„სიტყვებს აქვს მნიშვნელობა და ფასი, ჩვენ ცოტა ხნის წინ გავაკეთეთ საერთო განცხადება, სტრატეგია აღმაშენებელი არ შეუერთდა, მაგრამ თქვა, რომ სულისკვეთებას იზიარებს და გასაჯაროების მომხრე არ იყო. ვთქვით, რატომ არის პრინციპულად არასწორი თვითმმართველობის არჩევნებზე მიბმა ვადამდელი არჩევნების ჩატარების.

იმიტომ, რომ აბსოლუტურად სხვადასხვა არჩევნებია და ამით გამოშიგვნას ვახდენთ თვითმმართველობის არჩევნების შინაარსის და ამომრჩევლებს ვაბნევთ, გაუგებარ არჩევანს ვთავაზობთ - უნდა აირჩიოს, ადგილზე რომელი პოლიტიკური გუნდი მოსწონს თუ ვადამდელ არჩევნებს უჭერს მხარს.

და არასდროს არის კარგი არასწორი ნაბიჯით კომპრომისის მიღწევა, როცა იყო შესაძლებლობა და ახლაც კი არის, რომ გამოეჩინათ ჩვენს პარტნიორებს სიმყარე, რომ მიგვეღწია იმ შედეგისთვის, რომელიც ჩვენი აზრით განმუხტავდა რეალურად სიტუაციას“, - განაცხადა გიგა ბოკერიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გაეცანი საქართველოს ბანკის განათლების პროგრამებს მოსწავლეებისთვის - აღმოაჩინე შენზე მორგებული შესაძლებლობები

ბოკერია - რეჟიმს უნდა, გააგრძელოს საქართველოს უსაფრთხოების, მომავალი თაობის ხარჯზე გამდიდრება და ძალაუფლების შენარჩუნება საქართველოს მტრების ინტერესების სასარგებლოდ

პარტია „გახარია საქართველოსთვის“მიმართავს საკონსტიტუციო სასამართლოს, მათი საკითხი ნაციონალებისგან ცალკე საქმედ გამოიყოს

ოპოზიცია დასავლეთის ქვეყნების ელჩებს შეხვდნენ