„დღეს ყველაფერს აეხადა ფარდა - სამწუხაროა, რომ სასამართლომ ვერ გამოიჩინა პრინციპულობა“, - ამის შესახებ ნიკა მელიას ადვოკატმა გიორგი კონდახიშვილმა განაცხადა.

მან ასევე აღნიშნა, რომ მოსამართლის გადაწყვეტილება თავიდანვე იკითხებოდა და დაცვის მხარე აპირებს გააგრძელოს ბრძოლა ყველა შესაძლო სამართლებრივი თვალსაზრისით.

„მოსამართლემ გაახმოავანა ის გადაწყვეტილება, რომელიც იყო მიღებული წინასწარ, ამ გადაწყვეტილებას არავითარი შემხებლობა კანონთან და სამართლის მოთხოვნასთან არ აქვს.

ეს გადაწყვეტილება იკითხებოდა თავიდანვე და კიდევ ერთხელ ავღნიშნავ, რომ ძალიან სამწუხაროა, რომ სასამართლომ ვერ გამოიჩინა პრინციპულობა და ვერ დადგა კანონის მოთხოვნის საფუძველზე.

ჩვენ გავაგრძელებთ ბრძოლას ყველა მეთოდით, რაც არის სამართლებრივი თვალსაზრისით დაშვებული, ქვეყნის შიგნითაც და ევროპულ ასპარეზზე.

იმ ფონზე, რომ პროკურატურა და ხელისუფლება ავრცელებდა პროპაგანდას, ვითომ ნიკა მელიას შეეძლო გირაოს გადახდა და საპატიმროს დატოვება, დღეს ყველაფერს აეხადა ფარდა“, - განაცხადა გიორგი კონდახიშვილი.

ავტორი: ექსპრესნიუსი,

სოციალური ქსელები

გაეცანი საქართველოს ბანკის განათლების პროგრამებს მოსწავლეებისთვის - აღმოაჩინე შენზე მორგებული შესაძლებლობები

ბოკერია - რეჟიმს უნდა, გააგრძელოს საქართველოს უსაფრთხოების, მომავალი თაობის ხარჯზე გამდიდრება და ძალაუფლების შენარჩუნება საქართველოს მტრების ინტერესების სასარგებლოდ

პარტია „გახარია საქართველოსთვის“მიმართავს საკონსტიტუციო სასამართლოს, მათი საკითხი ნაციონალებისგან ცალკე საქმედ გამოიყოს

ოპოზიცია დასავლეთის ქვეყნების ელჩებს შეხვდნენ