ნიკანორ მელიას პატიმრობა არ არის პროკურატურის თვითმიზანი, თავად ნიკა მელიას მიზანია, რაც შეიძლება დიდხანს გაგრძელდეს მისი პატიმრობაში ყოფნა, - ამის შესახებ „ნაციონალური მოძრაობის“ თავმჯდომარის ნიკა მელიას საქმის პროკურორმა განაცხადა.

როგორც პროკურორი აღნიშნავს, ნიკა მელიას საქმეში მოიპოვება მტკიცებულებათა სტანდარტი, რაც უტყუარად ადასტურებს მის მიერ დანაშაულის ჩადენას, რაც გამოყენებული იქნება დღევანდელ სასამართლო სხდომაზე.

„საქმეს მოეპოვება არა ერთი მოწმის ჩვენება, რომელიც ადასტურებს, ნიკანორ მელიას მხრიდან იმ ძალადობრივ ქმედებებში მონაწილეობას და მათ ორგანიზებას, რომელიც საბოლოო ჯამში განხორციელდა პარლამენტის სასახლის მიმდებარე ტერიტორიაზე. ეს არის მტკიცებულებათა სტანდარტი, რაც უტყუარად ადასტურებს მის მიერ დანაშაულის ჩადენას და ყველა ეს მტკიცებულება იქნება გამორკვეული სასამართლო წინაშე.

ნიკანორ მელიას პატიმრობა არასდროს ყოფილა პროკურატურის თვითმიზანი. დაცვის მხარე, ახდენს კანონით სპეკულირებას და საზოგადოების მიზანმიართულად შეცდომაში შეყვანას და იძახის, რომ მსგავსი სამართლებრივი მექანიზმი არ არსებობს. ნებისმიერი იურიდიული ფაკულტეტის პირველკურსელმაც კი იცის, რომ ბრალდების მხარეს აქვს უფლება მოითხოვოს შეფარდებული პატიმრობის გირაოთი შეცვლა. რეალურად, ნიკანორ მელიას და მისი ადვოკატების მიზანია, რაც შეიზლება დიდხანს გაგრძელდეს ნიკანორ მელიას პატიმრობაში ყოფნა. ნიკანორ მელიას პატიმრობა, არის ნიკანორ მელიას თვითმიზანი“, - განაცხადა პროკურორმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ივანიშვილის წარმომადგენელი კობახიძე ოპოზიციურ პარტიებს ჰიტლერს ადარებს და მათი აკრძალვის აუცილებლობაზე საუბრობს

ძმები ფეიქრიშვილების დედა, ნინო აბრამიშვილი - შვილები არ მომიკვდეს მე კამერაში. იცოდეთ შვილები არ მომიკვდეს

ადვოკატი - დავით ფეიქრიშვილს ფიზიკური დაზიანებები აქვს, გოგამ თვითდაზიანება მიიყენა

კობახიძე - ოპოზიციური პარტიების აკრძალვა პირველ რიგში, ქართველი ხალხის ინტერესებშია, მათ შორის მათი ამომრჩევლის