შეხვედრაში გარემოს დაცვისა და სოფლის მეურნეობის მინისტრის მოადგილეები ნინო თანდილაშვილი და იური ნოზაძე, ავსტრიის განვითარების სააგენტოს თბილისის ოფისის ხელმძღვანელი ალექსანდერ კარნერი, გერმანიის საერთაშორისო თანამშრომლობის საზოგადოების (GIZ) გარემოსდაცვითი პროგრამის „ეკოსერვი“ ხელმძღვანელი კრისტიან გონერი,  CENN -ის აღმასრულებელი დირექტორი ნანა ჯანაშია, სამინისტროს შესაბამისი სტრუქტურული ერთეულების, არასამთავრობო და საერთაშორისო ორგანიზაციებისა და სამეცნიერო წრეების წარმომადგენლები მონაწილეობდნენ.

შეხვედრაზე აღინიშნა, რომ გლობარულ დონეზე იზრდება ტყეზე და ბუნებრივ რესურსებზე დამოკიდებულება; შესაბამისად, აუცილებელია ენერგოეფექტური ტექნოლოგიების დანერგვა, ალტერნატიული რესურსების მოძიება და შემდგომ მათი განვითარება.

„საქართველოს მთავრობა, უშუალოდ, გარემოს დაცვისა და სოფლის მეურნეობის სამინისტრო აქტიურ მუშაობას იწყებს ენერგოეფექტური ტექნოლოგიებისა და ალტერნატიული ენერგოსაწვავის განვითარების მიმართულებით. კლიმატის მწვანე ფონდის მიერ მიღებულია გადაწყვეტილება საქართველოსთვის 33 მილიონი ევროს გრანტის სახით გამოყოფის შესახებ. აღნიშნულის ფარგლებში, განხორციელდება პროექტი, რომლის უმთავრესი მიზანია ტყის მდგრადი მართვის პრინციპის დანერგვა - ტყის მრავალმიზნობრივი სარგებლობის ჩამოყალიბება. პროექტი ხელს შეუწყობს ენერგოეფექტურობისა და ალტერნატიული საწვავის ბაზრის განვითარებას. აღსანიშნავია, რომ  გერმანიის საერთაშორისო თანამშრომლობის საზოგადოების (GIZ) როლი უდიდესია  პროექტის განხორციელებისთვის“, - განაცხადა ნინო თანდილაშვილმა.

შეხვედრაზე მინისტრის მოადგილემ, იური ნოზაძემ ხაზგასმით აღნიშნა, რომ ენერგოეფექტური ტექნოლოგიების განვითარება შეამცირებს მოთხოვნას მერქნულ რესურსზე, ხელს შეუწყობს ტყის მდგრად განვითარებას. ამიტომ,  სამთავრობო სტრუქტურებმა თუ სამეცნიერო წრეებმა, ხელი უნდა შეუწყოს  ენერგოეფექტური ტექნოლოგიების დანერგვასა და პოპულარიზაციას.

შეხვედრაზე GIZ პროექტის ECOserve-ის (ბუნებრივი რესურსების მართვა და ეკოსისტემური მომსახურებებით უზრუნველყოფა სოფლად მდგრადი განვითარებისთვის სამხრეთ კავკასიაში) და CENN-ის (ტყის მდგრადი მართვა სოფლის განვითარებისათვის) პროექტების ფარგლებში  კოორდინირებულად განხორციელებული საქმიანობის შედეგები წარმოადგინეს.  

ეროვნული სატყეო პროგრამის (NFP) მიზანია საქართველოში სატყეო სექტორის რეფორმის კოორდინაცია და მხარდაჭერა. პლატფორმა ყველა დაინტერესებულ მხარეს აძლევს შესაძლებლობას, აქტიურად მიიღონ მონაწილეობა სამუშაო შეხვედრებში და გადაწყვეტილების მიღების პროცესში. NFP-ის პროცესის მხარდამჭერია კავკასიის გარემოსდაცვითი არასამთავრობო ორგანიზაციათა ქსელი (CENN).

ავტორი: NS (სტატია დაფინანსებულია),

სოციალური ქსელები

დონალდ ტრამპმა UFC-ის დირექტორს, დანა უაითს, თეთრი სახლის პრესმდივნის თანამდებობა შესთავაზა

მოსკოვის ცენტრში 100-ზე მეტი ადამიანი დააკავეს; ზოგიერთს სამხედრო რეგისტრაციისა და გაწვევის ოფისში უწყება გადაეცა

პოლონეთის შს მინისტრმა განაცხადა, რომ კრაკოვში მასობრივი სროლაში ეჭვმიტანილს რადიკალური მემერჯვენე შეხედულებები აქვს

კრაკოვში 11 ნოემბრს გლოვის დღე გამოცხადდა, სროლის შედეგად 6 ადამიანი დაიღუპა 15 დაიჭრა